Coleutividá d'ultramar

Una coleutividá d'ultramar (en francés, collectivité d'outre-mer o COM) ye una división alministrativa francesa definida na última reforma constitucional de 2003. Inclúi los territorios que se rixen pol artículu 74 de la Constitución, correspondientes a los antiguos territorios d'ultramar y otres coleutividaes con estatus particulares.

Esisten cinco colectividades d'ultramar:

• La Polinesia Francesa, qu'axustó, el 27 de febreru de 2004, un estatus especial so la denominación de país d'ultramar. Esfruta de cierta autonomía, con un presidente propiu y representación diplomática nel ámbitu del Pacíficu.
• Saint-Barthélemy allúgase nel mar Caribe. Hasta'l 22 de febreru de 2007 foi parte del departamentu d'ultramar de Guadalupe, fecha na que xunto con San Martín convirtióse en coleutividá autónoma.
• San Martín allúgase nel mar Caribe. Hasta'l 22 de febreru de 2007 foi parte del departamentu d'ultramar de Guadalupe, fecha na que xunto con Saint-Barthélemy convirtióse en coleutividá autónoma..
• Saint Pierre y Miquelon, nel océanu Atlánticu, yera, primeru de 1985, enantes un departamentu d'ultramar; nesi añu pasó a ser una coleutividá territorial. Tien un estatus paecíu a los departamentos, con un conseyu xeneral. Cola reforma constitucional nun tuvo que realizar nengún cambéu.
• Wallis y Futuna, nel océanu Pacíficu, tien un estatus específicu. Antiguu territoriu d'ultramar, dende 1961, cola reforma de la Constitución, pasó a ser una coleutividá d'ultramar. Ye l'únicu territoriu francés habitáu que nun ta subdividíu en comuñes o conceyos. Amás, ta constituyíu por trés monarquíes tradicionales.

La islla de Mayotte foi una coleutividá d'ultramar (COM) hasta marzu de 2011, fecha na que pasó a ser un departamentu d'ultramar (DOM).

• Francia d'ultramar
• Departamentu d'ultramar
• Territoriu dependiente

• mundu COM – Coleutividaes d'ultramar del final del mundu (enllaz rotu disponible n'Internet Archive; ver l'historial y la última versión). - El sitiu oficial de Francia (n'español)