Cliffhanger

Un cliffhanger ("final en suspensu") ye un recursu narrativu que consiste n'asitiar a ún de los personaxes principales (o a un grupu d'ellos) de la historia nuna situación estrema a la fin d'un capítulu o parte de la historia, xenerando con ello una tensión psicolóxico nel espectador qu'aumenta'l so deséu d'avanzar na mesma. El términu ye una espresión inglesa que pue traducise como "quedar colingando del cantil". Según el mediu y tipu d'historia, un cliffhanger pue ser a cencielles una escena, una imaxe, una aición dramática, o seique namái una frase.

Mientres el sieglu XX yeren usaos na lliteratura pulp (ediciones en rústica) y nos radiodrames, y d'ende pasaron a los seriales de cine, a los cómics y nel postreru par de décades, a la televisión ya inclusive a los videoxuegos; ye unu de los recursos más utilizaos anguaño nos dos últimos, gracies a la división d'estes n'entregues, númberos o capítulos, y debíu sobremanera a la importancia nestos medios d'atrayer al públicu a que siga les consecuencies por venir tres el corte dáu nel argumentu con esti recursu. Asina llógrase caltener en fierros al espectador llector/xugador hasta'l desenllaz de la situación.

La idea de terminar un cuentu nun puntu onde'l públicu quede intrigáu hasta la conclusión, que va dase n'otru momentu, usóse desque se cunten hestories. Por casu, esti ye'l tema principal de l'antoloxía Les mil y una nueches, onde la reina Sherezade cuntaba un cuentu caldía al so home, el rei Shahryar, pa evitar la so execución a la mañana. La reina empezaba un cuentu enantes de dir dormir y dexábalu nun puntu onde'l rei víase forzáu a retardar la execución si quería saber el final. A otru día, la reina acababa'l cuentu y empezaba a desplicar otru pa evitar la muerte al otru día^[1].Tamién atopamos balaes chines como la de Liu chih-yuan chu-kung-tiao, qu'acababen cada capítulu con un elementu d'intriga pa caltener en fierros a l'audiencia

El fenómenu psicolóxicu que desplica por qué funciona esti recursu denómase Efeutu Zeigarnik.

• Wikcionariu tien definiciones y otra información tocante a cliffhanger.
• Alonso, Marta (19 d'abril de 2007). «Diccionario teléfilo: Cliffhanger». Consultáu'l 5 d'ochobre de 2015.