Remiz pendulinus

Ye un páxaru bien pequeñu: mide aproximao 10 cm de llargor y pesa alredor de 10 g.

Presenta cabeza gris con anches franxes negres, na frente y güeyos, en forma de antifaz. L'envés y la cola son marrones. Les partes inferiores tienen tonos castaños y cremes. El picu ye curtiu y bien apuntiáu.

Les femes tienen l'envés y el pechu d'un tonu más claru.

El páxaru moscón européu ye una ave principalmente migratoria, que cría n'Europa central y oriental y l'oeste d'Asia, amás de los monte del sur d'Europa y Turquía, y muévese a les rexones mediterránees y del suroeste d'Asia pa pasar l'iviernu.

Emite un balbuceante y característicu zii-ii y curtiu garllo.

Aliméntase principalmente d'inseutos y arañes, anque na so dieta tamién entren delles granes.

Cría n'árboles caducifolios, xeneralmente a veres de ríos y llagos con muncha vexetación, yá que precisa árboles apropiaos pa construyir los sos niales colgantes en forma de güevu o bolsa, con un túnel d'entrada. Pa la construcción d'estos usa cañes fines, fibres (yá sían animales o vexetales), teles d'arañes, granes plumoses, etc.

Pon de 5 a 8 güevos, mientres el mes d'abril. Los güevos son de color blancu mate. Solamente la fema guara los güevos. La incubación dura unos 14 díes.

•  
  Dibuxu d'un nial de páxaru moscón.
•  
  Fotografia d'un nial de páxaru moscón nel Parque rexonal del Sureste, Madrid (España).
•  
  Remiz pendulinus

• ARAGUÉS, A. Información sobre R. pendulinus nel V. del Ebro. Ardeola (1964).
• ARAGUÉS, A. & J. LUCIENTES. Fauna d'Aragón: aves. Guara edit. Zaragoza (1980).
• ARAÚJO, J. Más datos sobre la nidificación de R. pendulinus nel V. del Tajo. Ardeola (1973).
• CEBALLOS, P. & F. PURROY. Páxaros de los nuesos campos y montes.ICONA. Madrid (1977).
• DELIBES, M. Sobre la espansión recién del páxaru moscón na P. Ibérica. Ardeola (1978).
• ELÓSEGUI, J. Navarra: Atles d'aves nidificantes. Caxa d'Aforros de Navarra. Pamplona (1985).
• ROMAN, J., F. ROMÁN, L.M. ANSOLÁ, C. PALMA & R. VENTOSA. Atles de les aves nidificantes de la provincia de Burgos. Caxa d'Aforros del Círculu Católicu. Burgos (1996).
• SEO (ed.). Atles de les aves nidificantes en Madrid. Axencia de Mediu Ambiente. Madrid (1994).

•   Wikimedia Commons tien conteníu multimedia tocante a Remiz pendulinus.
• Ficha de la especie (PDF), por Javier Blasco-Zumeta