Edá de piedra

La Edá de piedra^[1] ye'l periodu nel que los seres humanos crearon ferramientes de piedra. La madera, los güesos y otros materiales tamién fueron utilizaos, pero la piedra (en particular el pedernal) foi utilizada pa fabricar les ferramientes y armes de corte.

Edá de piedra
edá prehistórica, Historia universal y entidá temporal
Edá de piedra edá del bronce

El tiempu qu'abarca esti periodu ye heteroxeneu según de la rexón de que se fale. Anque ye posible falar d'un periodu xeneral, nomáu la Edá de Piedra pal conxuntu de la humanidá, nun se pue escaecer que dalgunos grupos humanos enxamás desenrollaron la teunoloxía del metal fundíu y polo tanto quedaron sumios na Edá de Piedra hasta que s'alcontraron con cultures teunolóxicamente más desarrollaes.

En xeneral, creyese que la Edá de Piedra emprincipió en dalguna parte del mundu va entre 2 y 5 millones d'años, cola apaición de la primera ferramienta humana (o pre-humana). Esti periodu foi siguíu pola Edá del Bronce, nesti, les ferramientes de bronce llegaron a ser comunes. El pasu d'una a otra edá foi ente los 6000 y 2500 A.C.

Tradicionalmente vien dividiéndose esta Edá en: Paleolíticu, con un sistema económicu de caza-recolección y Neolíticu, nel que se produz la revolución haza el sistema económicu productivu: agricultura y ganadería.