La Garrotxa

O territorio no ye homochenio y se puet considerar, tanto dende o punto d'anvista fisico como humán, como dos subcomarcas: o sector que s'extiende a o norte d'a val d'o Fluvià, denominau a sobén Alta Garrotxa, y o que ocupa la parti meridional, conoixiu corrientment como comarca d'Olot.

En o sector occidental, a foya d'Olot-Santa Pau, a presencia de materials volcanicos contribuye a dar gran personalidat a lo paisache. As formas que mas resaltan en o paisache son los conos volcanicos, bels 40, entre los que destacan o Croscat y o volcán de Santa Margarida.

O Fluvià, de rechimen mediterranio, tiene un cabal no guaire important (1,07 m³/s en Olot).

La Garrotxa contrasta con as comarcas vecinas por a suya elevada humidat. A plevia anyal oscila arredol d'os 1.000 mm. I hai un refrán que diz "si no plou a Olot, no plou enlloc" (en aragonés "si no pleve en Olot, no pleve en garra cabo")

Respective a las temperaturas, en Olot a minima de chinero ye de 0,09 °C, y la maxima d'agosto, de 27,7 °C. O terreno en forma de foyetas i ocasiona inversions termicas, y o relieu en l'Alta Garrotxa y o Puigsacalm, particularment, una variant climatica de montanya, con importancia d'as precipitacions de nieu.

A vechetación sigue as linias d'o clima. I hai un sector de caracter mediterranio, que s'extiende por l'Alta Garrotxa y este d'a comarca, mientres que a resta ye cubierta por vechetación submediterrania que pasa a atlantica en os puntos mas humidos.