Frantic (cinta)
- Iste articlo ye sobre una cinta franco-estausunidense de cine de drama d'intriga policiaca y d'espionache de l'anyo 1988; ta atros usos, se veiga Frantic.
Frantic (títol orichinal en anglés, en aragonés Frenetico, enguerada en Aragón con o suyo títol traduciu enta lo castellano como Frenético) ye una cinta de l'anyo 1988 de cine de drama d'intriga policiaca y d'espionache coproducida por o cine estausunidense y lo cine francés, dirichida por Roman Polanski seguntes un guión orichinal d'él mesmo, Gérard Brach y Robert Towne, con una banda sonora orichinal d'Ennio Morricone, una dirección de fotografía de Witold Sobociński y una producción cinematografica de Tim Hampton y Thom Mount ta las productoras Warner Bros. y The Mount Company, y que conta con un elenco d'o cual en fan parte, entre d'atros actors, Harrison Ford, Emmanuelle Seigner, Betty Buckley, Gérard Klein, Jacques Ciron, Dominique Pinon, Yves Rénier, Robert M. Ground, John Mahoney, Jimmie Ray Weeks, Thomas M. Pollard, Marcel Bluwal, Patrick Floersheim, Yorgo Voyagis, David Huddleston, Alexandra Stewart, Artus de Penguern y Roman Polanski.
Richard Walker ye un cirurchiano de San Francisco que viacha enta París ta asistir a una conferencia medica. Su muller, Sondra, l'acopanya y piensan revivir o viache de novios que facioron anyos atrás a ixa mesma ciudat dimpués d'a suya voda. Cuan plegan en a suya cambra de l'hotel, Sondra no puet ubrir a maleta y Richard para cuenta que en realidat ixa no ye la suya maleta y que s'ha entivocau de maleta en l'aeropuerto. Truca a l'aeropuerto ta comunicar a incidencia, li dicen que ninviarán a bel un a recollir a maleta y que cuan troben a suya l'avisarán, y marcha a ruixar-se. En rematar, troba que su muller ha marchau d'a cambra y se duerme. Cuan dispierta su muller sigue fuera y pregunta en recepción, pero lo recepcionista que conoixeba a su muller ha marchar. Dabant d'a suya insistencia, finalment consiguen contactar con él, pero diz que la muller ha marchau acompanyada d'un hombre. Richard denuncia la disaparición de su muller a la Policía pèro istos no amuestran masiau intrés, mesmo que s'escayece en a suya visita en l'embaixada estausunidense. Prencipia investigacions por a suya cuenta y descubre que su muller ha estau obchecto d'un secuestro que parixe estar relacionau con bella cosa que se troba en a maleta que se levó entivocadament de l'aeropuerto. Tanimientres, cuan troba a qui parixe estar o destinatario d'a maleta lo troba muerto. Bien luego consigue trobar a la mesacha que levaba la maleta en l'aeropuerto, que heba pillau entivocadament a maleta de Sondra, y que treballaba por cuenta d'o muerto que ha trobau. Toz dos continan investigando.
A cinta s'ambienta en a suya epoca actual (1998) en a ciudat de París y las suyas escenas se filmoron en París y en Boulogne-Billancourt en Altos d'o Sena y Roissy-en-France en a Val de l'Oise.[2]
Se tracta d'una cinta que ha recibiu bella nominación a bel premio, pero no a garra que fese parte d'os premios cinematograficos mas conoixius u destacaus.
| Actor | Papel | Notas |
|---|---|---|
| ' |
Se veiga tamién
editarReferencias
editar- ↑ 1,0 1,1 1,2 (en) Enguero de Frantic en Internet Movie Database.
- ↑ (en) Localizacions de Frantic en Internet Movie Database.
- ↑ (en) Frantic en Internet Movie Database.
Datos: Q126652