Fauvismo

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

O fauvismo ye un estilo pictorico, d'orichen francés, caracterizato per l'uso de colors intensas, puras y expresivas, y per una simplificación d'as formas, as perspectivas y as uambras. Estió lo primero d'os prencipals movimientos pictoricos expresionistas apareixitos ta las primerías d'o sieglo XX, si bien no tenió guaire durada.

O movimiento ganó importancia en rancando d'a exposición de bels fauvistas en o Salón d'Agüerro (Salon d'Automne) de 1905, en París. L'orichen d'a denominación se troba en a frase d'o critico francés Louis Vauxcelles, qui exclamó "Donatello au milieu des fauves!" (Donatello entre as bestias furas!), referindo-se a una escultura d'estilo cuatrecentista que yera en metá d'a galería.

A fegura capecera d'o movimiento estió Henri Matisse. Belaltros artistas consideratos fauvistas -anque ta muitos no significó que cualquecosa temporal- estioron André Derain, Albert Marquet, Maurice de Vlaminck, Georges Rouault, Raoul Dufy, Georges Braque y Kees van Dongen.

En o fauvismo se perciben bellas influencias, como a d'os neoimpresionistas u a d'os postimpresionistas Cézanne, Gauguin y Van Gogh. O estilo, de vez, influyó considerablement en muitos d'os movimientos posteriors d'o expresionismo europeu.