Chodigos

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Chodigos
יהודים (Yehudim)

Chodigos ortodoxos

Población total

13,155,000^[1]

Rechions con comunidaz importants

Israel 5,393,000^[1]

Estaus Unius	5,275,000	^[1]
Francia	490,000	^[1]
Canadá	374,000	^[1]
Reino Uniu	295,000	^[1]
Rusia	225,000	^[1]
Archentina	184,000	^[1]
Alemanya	120,000	^[1]
Australia	104,000	^[1]
Brasil	96,000	^[1]
Ucraína	77,000	^[1]
Sudafrica	72,000	^[1]
Hongría	49,000	^[1]
Mexico	40,000	^[1]
Belchica	31,200	^[2]
Países Baixos	30,000	^[2]
Italia	28,600	^[2]
Chile	20,700	^[2]
Belarrusia	18,200	^[2]
Uruguai	18,000	^[2]
Suiza	17,900	^[2]
Turquía	17,800	^[2]
Venezuela	15,400	^[2]
Suecia	15,000	^[2]
Espanya	12,000	^[2]
Irán	10,800	^[2]
Rumanía	10,100	^[2]
Letonia	9,800	^[2]
Austria	9,000	^[2]
Azerbaichán	6,800	^[2]
Dinamarca	6,400	^[2]
Panamá	5,000	^[2]

Idiomas

Luengas chodigas historicas
- Hebreu · yiddisch · ladino · atras
Luenga liturchica
- Hebreu · arameu
Atras luengas parlatas
- Os idiomas vernaclos de cada país incluyindo entre atros anglés, hebreu, yiddisch, y ruso.

Relichión

Chudaísmo

Pueblos relacionaus

Arabes y atros pueblos semiticos

Mapa

Os chodigos, chudigos u chudeus (en hebreu:יְהוּדִים, Yehudim; yiddisch: ייִדן, Yiden) son os seguidors d'o chudaísmo u os miembros d'o pueblos chodigo (tamién conoixita como «nación chodiga» o «fillos d'Israel»), un grupo etnico-relichioso descendient d'os antigos hebreus u israelitas u de personas convertitas a o chudaísmo en diversos momentos historicos.

A visión d'os israelitas y dimpués d'os chodigos d'a suya propia cualidat de grupo humán ye una visión diferent seguntes epocas. Asinas, a Biblia ya charra d'os chodigos como d'un pueblo, o pueblo d'Israel, que ye unito por a suya fe relichiosa común, encara que os arqueologos u mesmo a Biblia tamién dicen que en os periodos mas antigos parte d'os chodigos teneban practicas relichiosas politeistas. Antiparte, ye controvertita a propia noción d'un pueblo chodigo como comunidat luego d'a diaspora chodiga dimpués d'a destrucción d'o Templo de Cherusalem.

Etimolochía d'a denominación

A denominación en diferents luengas d'Europa Occidental provién d'o latín IUDAEUS, que significa habitant d'a tierra de Chudea, y que o mesmo latín ampra de l'arameu meyo Y'hūdāi, que corresponde a lo plural hebreu Yehudim, en o suyo orichen con o significato de "miembro d'a tribu de Chudah", con eponimo en o cuatreno fillo de Chacob.

En navarro-aragonés a evolución lochica de l'acusativo IUDAEUM sería chudeu con sufixo -eu, pero se troba poco, por eixemplo en bella versión d'os fueros d'Aragón u en bel texto en romanz navarro relativo a Tudela. En aragonés medieval s'escribe cuasi siempre jodio/judio y en chistabín se documenta chodigo.

Ye posible que esta anomalía tienga relación con a interferencia con l'adchectivo chudiego, chudiega (derivatos d'o latín IUDAICUS, IUDAICA), y con a denominación d'as simients d'a leguminosa Phaseolus vulgaris ("chodigas"), on podría haber-ie epentesi antihiatica. Alwin Kuhn veye que a evolución d'a parola chodiga puet estar influenciata por pareixito con a parola xordiga.^[3]

Divisions etnicas chodigas

Ta más detalles, veyer l'articlo Divisions etnicas chodigasveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].

Un chodigo en oración en una sinoga en Irán en 1999.

As divisions etnicas chodigas fan referencia a las diferents comunidaz chodigas d'o mundo que pueden distinguir-sen dentro d'os pueblos de relichión chodiga. No totas as comunidaz chodigas comparten costumbres culturals, relichiosos, culinarios, lingüisticos, ecetra. Unas y atras amuestran diferencias locals y bellas formas d'interpretar bels preceptos.

Dimpués de tornar d'o exilio en Babilonia en Tierra Santa i heba una diferenciación entre samaritanos y los que se consideroron a ellos mesmos los chodigos de verdat.

En tiempos de l'Imperio Romano a diaspora chodiga de partiba en dos ambitos culturals: Diaspora occidental en l'Imperio Romano y Diaspora oriental en l'Imperio Persa Sasanida. En a Edat Meya la división prencipal yera entre chodigos de paises cristianos u europeus y chodigos de países musulmans. Los chodigos de países musulmans yeran mes lumerosos y i heba comunidaz d'orichen oriental chunto con comunidaz de l'antiga diaspora occidental d'Hispania y Africa. Una clasificación d'as comunidaz historicas de relichión chodiga puet estar:

Chodigos orientals: descendiens d'a Diaspora oriental y d'ixas comunidaz d'a Diaspora occidental en zonas que s'islamizoron.
- Comunidaz persianas: en Irán y Afganistán, charran persa.
- Bukharans: en Asia Central, charran tachico.
- Comunidaz de Cheorchia, charran cheorchiano.
- Dagh Chufuti: entre Daghestán y Acerbaichán, charran tat.
- Mizrajim: chodigos de Siria, Irak y estaus d'arredol. Charran arabe, y os d'o Kurdistán charran tradicionalment neoarameu.
- Comunidaz d'o Desierto d'Arabia: desapareixitas
- Chodigos yemenís:
- Comunidaz d'Echipto.
- Tochavim: chodigos nortafricanos no sefarditas, charran en berber u arabe.
Chodigos occidentals: descendients d'a Diaspora occidental en zonas europeas y cristianas:
- Chodigos bizantins: en Grecia y Anatolia dende antigo, charraban griego.
- Chodigos italianos: en Italia dende antigo, charraban griego dimpués latín y italiano.
  - Gourmís: chodigos italianos establitos en Túniz.
- Sefarditas: descendients d'as comunidaz d'a peninsula iberica. En 1942 los forachitoron y en os paises on plegoron asimiloron atras comunidaz.
  - Megorachin u forachitatos: chodigos sefarditas d'o Norte d'Africa.
  - Domnaz: sefarditas de l'antigo Imperio Otomán convertitos a o islam y probablement criptochodigas.
- Askenazís: comunidaz de chodigos d'Alemanya forachitatas ta Europa centro-oriental en la Edat Meya y que conservoron o yiddisch.
- Crimchacos: mezcla poblacional que se fació entre comunidaz askenazís y sefarditas en Crimea en tiempos d'o Khanato de Crimea. Charran o tartaro crimeu.
Comunidaz d'a periferia: comunidaz que s'han desembolicato fuera d'os ambitos cristiano-europeu y islamico-afroasiatico, los atros chodigos los consideran heterodoxos u menos chodigos.
- Falaixas: chodigos d'Etiopía, no almiten o Talmut.
- Carains u caraitas: chodigos que charran un idioma pareixito a lo tartaro crimeu y no admiten o Talmut.
- Chodigos d'a India: comunidaz que tamién son dividitas en castas.
- Chodigos de Caifeng: antigos chodigos d'ixa ciudat de China, ya no bi n'ha.

Referencias

↑ ^1,00 ^1,01 ^1,02 ^1,03 ^1,04 ^1,05 ^1,06 ^1,07 ^1,08 ^1,09 ^1,10 ^1,11 ^1,12 ^1,13 ^1,14 Annual Assessment 2007, Jewish People Policy Planning Institute (Jewish Agency for Israel), basato en American Jewish Year Book, American Jewish Committee, 2006
↑ ^2,00 ^2,01 ^2,02 ^2,03 ^2,04 ^2,05 ^2,06 ^2,07 ^2,08 ^2,09 ^2,10 ^2,11 ^2,12 ^2,13 ^2,14 ^2,15 ^2,16 ^2,17 The Jewish Population of the World (2006), Jewish Virtual Library, basata en {{{títol}}}.
↑ (es) El dialecto altoaragonés en www.Xordica.com; Consultato lo 19 de chulio de 2010.

Datos: Q7325
Multimedia: Jews / Q7325

[JPPI2007-1] 1,00 ^1,01 ^1,02 ^1,03 ^1,04 ^1,05 ^1,06 ^1,07 ^1,08 ^1,09 ^1,10 ^1,11 ^1,12 ^1,13 ^1,14 Annual Assessment 2007, Jewish People Policy Planning Institute (Jewish Agency for Israel), basato en American Jewish Year Book, American Jewish Committee, 2006

[JVIL2006-2] 2,00 ^2,01 ^2,02 ^2,03 ^2,04 ^2,05 ^2,06 ^2,07 ^2,08 ^2,09 ^2,10 ^2,11 ^2,12 ^2,13 ^2,14 ^2,15 ^2,16 ^2,17 The Jewish Population of the World (2006), Jewish Virtual Library, basata en {{{títol}}}.

[XORDICA-3] (es) El dialecto altoaragonés en www.Xordica.com; Consultato lo 19 de chulio de 2010.

[1]

[2]

[3]