Onda (fisica)

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Iste articlo tracta sobre as ondas en fisica. Ta atros usos se veiga Onda (desambigación)

En Fisica, una onda (d'o latín < UNDA)^[1] ye una propagación d'una perturbación de bella propiedat d'un medio, por eixemplo, densidat, presión, campo electrico u campo magnetico, que se propaga a traviés d'o espacio transportando enerchía. O medio perturbato puet estar de naturaleza diversa como aire, augua, un troz de metal u o vueito.

A propiedat d'o medio en la que s'observa a particularidat s'expresa como una función tanto d'a posición como d'o tiempo ${\displaystyle \psi ({\vec {r}},t)}$. Matematicament se diz que dita función ye una onda si verifica a ecuación d'ondas:

${\displaystyle \nabla ^{2}\psi ({\vec {r}},t)={\frac {1}{v^{2}}}{\partial ^{2}\psi \over \partial t^{2}}({\vec {r}},t)}$

a on que v ye a velocidat de propagación d'a onda. Por eixemplo, bellas perturbacions d'a presión d'un medio, ditas sonito, verifican a ecuación anterior, encara que bellas ecuacions no lineals tamién tienen solucions ondulatorias, por eixemplo, un solitón.