Conchiellos

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Conchiellos
Lugar d'Aragón
Entidat  • País  • Provincia  • Comarca  • Municipio	Lugar  Aragón  Zaragoza Tarazona y Moncayo Tarazona
Partiu chudicial	Tarazona
Población  • Total	133 hab. (2011)
Altaria  • Meyana	480 m.
Distancia  • 3,5 km	enta Tarazona
Codigo postal	50513
Parroquial  • Diocesi  • Arcipestrau  • Parroquia	Tarazona Tarazona Sant Miguel Arcánchel
Coordenadas	41°55’40’’N 1°45’29’’U
Conchiellos Conchiellos en Aragón

Conchiellos (Cunchillos en castellano), ye un lugar de la provincia de Zaragoza y la comarca de Tarazona y Moncayo situau en lo termin municipal de Tarazona. En l'anyo 2011 teneba una población de 133 habitants.

Lo toponimo conchiellos presenta una etimolochía latina a partir de CONCILIU como l'aragonés "concello", pero la suya fonetica ye mozarabe, con palatalización de la silaba -CI- ta -chi-, traza fonetica que presentan las parolas y toponimos mozarabes que l'arabe hispano prenió en una fase primerenca tals como Villafelich y que dimpués conservó y transmitió a l'aragonés.

Estió conqueriu d'o dominio musulmán por Alifonso I d'Aragón en 1119. Manimenos, entre cuantas anyadas, estió baixo dominio navarro (de 1140 a 1143 y de 1146 a 1148) dica que Remón Berenguer IV lo recuperó de nuevo pa Aragón.

En 1189 Alifonso II d'Aragón lo dona a Lupo López. Conchiellos remanió baixo o sinyorío d'a familia López dende 1189 dica 1317.^[1] Posteriorment pasó a o linaje d'os "Castroalbo" (u "Castellblanc"). Mas tardi a o linache d'os Calvillo.

En Conchiellos viviban unicament musulmans asinas que dimpués d'a expulsión d'os moriscos en 1610, unas 210 personas, o lugar quedó vuedo. Se repobló con chents d'a redolada y de Navarra.

En 1699 pasó a poder d'os Contes de Contamina. En 1812 desapareixioron os sinyoríos por orden d'as Corz de Cádíz. En 1960 se convirtió en un barrio de Tarazona.

• Sant Miguel, 29 de setiembre.

As fiestas en honor a Sant Miguel se fan dende o chueves a o domingo mas cercano a o día 29, antimás d'encierres con vacas en as carreras y a suelta d'estas en a plaza, se celebra a vispra o viernes con una foguera an que os "mayordomos" ofreixen pastas, moscatel y atras laminerías a los vecinos. Os mas tardanos se i fan "turradas" con aceite y allo y trunfas colgadas. O día d'a fiesta, o sabado, se quita o Santo adornau con roscons bendecius que dimpués d'a misa reparten os mayordomos en a tradicional "gotica" (variant lingüistica de gotet) chunto a moscatel y atras bebidas.

• Dabí Lahiguera Albericio, profesor y activista en la recuperación de l'aragonés en Tarazona y la suya redolada. Escribió lo libro "Ucronía".