Stuttgarter Zeitung

Stuttgarter Zeitung – StZ Beschriibig dytschi Dageszytig Verlag Stuttgarter Zeitung Verlagsgesellschaft mbH Erstusgob 18. Septämber 1945 Erschiinigswiis allag ußer am Sunntig Uflag (IVW 3/2016, Mo–Sa) 168.272[1] Exemplar Chefredakteur Joachim Dorfs Gschäftsfüehrer Richard Rebmann Weblingg stuttgarter-zeitung.de

D Stuttgarter Zeitung (StZ, schwäbisch Stuagerter Zeitong) isch e Dageszytig mit ere verchaufte Uflag vu rund 150.000 Exemplare. Zämme mit dr Stuttgarter Nachrichten lyt di verchauft Uflag bi 168.272 Exemplar.^[2]

D Stuttgarter Zeitung isch e Regionalzytig mit iberregionalem Aaspruch. Des haißt, dass es Informationsaagebot mit dr iberregionale Zytige konkurriert, dass aber glychzytig regionali un lokali Schwärpinkt gsetzt wäre. Fir des unterhaltet d Stuttgarter Zeitung im iberregionale Beraich e Redaktion un e Netz vu Korreschpondänte.

D Zytig nännt sich liberal.^[3]

S Erschynigsbild vu dr Zytig isch 1948, 1978, 1998 un 2009 veränderet wore. Chefredakteur isch syt em 1. Jänner 2008 dr Joachim Dorfs, wu dervor stellverdrättende Chefredakteur vum Handelsblatt gsii isch.

Dr Sitz vu dr StZ isch s Prässehuus Stuegert.

D Gschicht vu dr Stuttgarter Zeitung fangt noch em Zweete Wältchrieg aa. Noch em Änd vum dr nationalsozialistische Diktatur hän di alte Zytige vier Johr lang nime derfe erschyne. D StZ siit sich in dr Dradition vum Neue Stuttgarter Tagblatt, wu in däre Zyt yygstellt gsii isch.

D Druckereie un Verlag sin bschlagnahmt wore. Di weschtlige Bsatzigsmächt hän derno Lizänze fir Rusgob vu Zytige an bolitisch uublaschteti Burger vergee un hän ene di bschlagnahmte Maschine z Verfiegig gstellt. Doderby hän d Bsatzigsmächt au Aachtig gee druf, ass di große bolitische Richtige verdrätte gsii sin.

D Stuttgarter Zeitung isch zerscht vu drei Lizänzdreger vu dr Information Control Division verlait wore: em Josef Eberle, em Karl Ackermann un em Henry Bernhard. Am 18. Septämber 1945 isch di erscht Uusgob erschine. Nodäm verschidene Lizänzdreger anderi Zytige ibernuu hän, isch schließli näb em Erich Schairer, wu 1956 gstorben isch, nume dr Josef Eberle as Rusgeber bis 1972 bi dr Stuttgarter Zeitung.

Chefredakteur^[4]

• 1966 bis 1971: Rainer Tross
• 1972 bis 1983: Oskar Fehrenbach
• 1983 bis 1995: Thomas Löffelholz
• 1995 bis 2001: Uwe Vorkötter
• 2002 bis 2006: Peter Christ
• 2007 bis 2008: Joachim Worthmann
• seit 2008: Joachim Dorfs

D Stuttgarter Zeitung un ihre Verlag, d Stuttgarter Zeitung Verlagsgesellschaft mbH & Co. KG, ghert zue 100 Brozänt dr Mediengruppe Süd GmbH (MSG). Die ghert zue 82 Brozänt dr Südwestdeutsche Medien Holding (SWMH), dr Obergsellschaft vu dr Zeitungsgruppe Stuttgart, un zue 18 Brozänt dr Schwarzwälder Bote GmbH & Co. KG.^[5] Bis aafangs 2007 sin d Erbe vum Erich Schairer, aim vu dr Mitrusgeber in dr Nochchriegsjohr, zue 25 Brozänt bedailigt gsii, die hän ihre Aadail zum 1. Jänner 2007 an d SWMH verchauft.^[6] An dr SWMH sin mit je 44,36 Brozänt d Medien-Union GmbH Ludwigshafen un d Gruppe Württembergischer Verleger bedailigt, dr Räscht vu dr Aadail daile sich acht wyteri Gsellschafter.^[7]

D Mediengruppe Süd isch iber d Württemberger Zeitung GmbH unter anderem mit 80 Brozänt an dr Stuttgarter Nachrichten bedailigt. Anne 2002 het sich d SWMH mit 18,75 Brozänt am Süddeutsche Verlag, München (Süddeutsche Zeitung) bedailigt. Zum 29. Februar 2008 hän vier Gsellschafterfamilie ihri Aadail am Verlag vu dr Süddeutsche Zeitung an d Südwestdeutsche Medien Holding verchauft, wu dodermit ihre Aadial uf 81,25 Brozänt ufgstockt het.

D Redaktion vu dr Stuttgarter Zeitung het im Lauf vu dr Johr er Huffe wichtigi Schurnalischtebryys iberchuu. In dr jingschte Zyt het dr bolitisch Korreschpondänt vu dr Stuttgarter Zeitung, dr Stefan Geiger, dr Herbert-Riehl-Heyse-Bryys 2005 iberchuu fir syy Essay Eigentum verpflichtet. Aber wozu verpflichtet es?un dr Theodor-Wolff-Bryys 2006 fir syy Essay „Keine Freiheit ohne Gleichheit – und umgekehrt“.

Dr Michael Ohnewald, Reporter in dr Regionalredaktion, isch 2003 mit em Theodor-Wolff-Bryys in dr Kategori Lokals uuszaichnet wore.

S Layout vu dr StZ isch zwische 2003 un 2008 all Johr in unterschidlige Kategorie mit em European Newspaper Award uuszaichnet wore. Bim 11. European Newspaper Award isch si vu dr Jury zue r europäische Regionalzytig vum Johr gwehlt wore.

Im Gedänke an dr Erich Schairer, dr bolitisch engaschierte Schurnalischt, Rusgeber vu dr Sonntags-Zeitung un spetere Mitrusgeber vu dr Stuttgarter Zeitung, wird all Johr vu dr Erich-Schairer-Journalistenhilfe e. V. un dr Stuttgarter Zeitung e Ferderbryys fir jungi Schurnalischtine un Schurnalischte uusgschribe.

1. ↑ Mit Stuttgarter Nachrichten
2. ↑ no IVW, dritts Quartal 2016, Mo–Sa (Detail un Quartalsverglych uf ivw.eu)
3. ↑ Sälbschtdarstellig vu dr StZ Archivlink (Memento vom 1. März 2011 im Internet Archive)
4. ↑ Sonderbeilag 70 Jahre Stuttgarter Zeitung vom 18. Septämber 2015, S. V18
5. ↑ KEK: Mediendatenbank Stuttgarter Zeitung Verlagsgesellschaft mbH Archivlink (Memento vom 30. Juli 2013 im Internet Archive), abgruefen am 10. Februar 2010
6. ↑ StZ-Mitdailig iber d Änderig vu dr Aigetimerstruktur: . Archiviert vom Original am 29. September 2007; abgruefen am 12. November 2011.  (Link defekt)
7. ↑ KEK: Mediendatenbank Südwestdeutsche Medien Holding GmbH (SWMH) Archivlink (Memento vom 30. Juli 2013 im Internet Archive), abgruefen am 10. Februar 2010

• www.stuttgarter-zeitung.de
• 60 Jahre StZ

Dä Artikel basiert uff ere fräie Übersetzig vum Artikel „Stuttgarter_Zeitung“ vu de dütsche Wikipedia. E Liste vu de Autore un Versione isch do z finde.