Kalyke (Mond)
|
Dä Artikel beschäftigt sich mitem Mond Kalyke vum Planet Jupiter, anderi Bedütige vu dem Begriff findener under Kalyke |
| XXIII Kalyke | |
|---|---|
| Vorläufigi Bezeichnig | S/2000 J 2 |
| Zentralchörper | Jupiter |
| Eigeschafte vum Orbit | |
| Grossi Halbax | 23.583.000 km |
| Periapsis | 17.805.200 km |
| Apoapsis | 26.010.800 km |
| Exzentrizität | 0,245 |
| Bahnneigig | 165,2° |
| Umlaufzitt | 743,0 Däg |
| Middleri Orbitalgschwindigkeit | 2,31 km/s |
| Physikalischi Eigeschafte | |
| Albedo | 0,04 |
| Schinbari Helligkeit | 21,8 mag |
| Middlerer Durchmesser | 5 km |
| Masse | ~1,9×1014 kg |
| Fallbeschlünigung an dr Oberflächi | ≈ 0 m/s² |
| Fluchtgschwindigkeit | ≈ 0 m/s |
| Entdeckig | |
| Entdecker | IFA Hawaii |
| Datum vu dr Entdeckig | 23. November 2000 |
| Dialäkt: Markgräflerisch (Ebringe) |
D' Kalyke (Jupitermond XXIII) isch ein vu dr ussere Zwergmönd vum Planet Jupiter.
Entdeckig
[ändere | Quälltäxt bearbeite]D'Kalyke isch am 23. November 2000 vu de Astronome Scott S. Sheppard, David C. Jewitt, Yanga R. Fernández un Eugene A. Magnier entdeckt worre un het zuenächst die vorläufig Bezaichnig S/2000 J 2 erhalde.
Daift worre isch der Mond uf d'Kalyke, ere Gliebte vum Zeus us dr grichische Mythologi.
Bahndate
[ändere | Quälltäxt bearbeite]D'Kalyke umchraist de Jupiter ime middlere Abstand vu 23.566.000 km in 742 Däg und 43 Minute. D'Bahn wiist ä Exzentrizität vu 0,2465 uf. Mit ere Naigig vu 165,159° isch d'Bahn retrograd, d. h., der Mond beweggt sich entgege vu de Rotationsrichtig vum Jupiter um de Planet.
Ufgrund vu ihre Bahnaigeschaften wird d'Kalyke in de Carme-Gruppe, benennt noch em Jupitermond Carme, zuegordnet.
Physikalischi Date
[ändere | Quälltäxt bearbeite]D'Kalyke besitzt ä Durmesser vu etwa 5,2 km. Ihri Dichte wird under de Anahm vum ä Ufbau us silikatischem Gstai uf 2,6 g/cm3 gschätzt. Kalyke wiist ä sehr dunkli Oberflächi mit ere Albedo vu 0,04 uf, d. h., bloß 4 % vum igstrahlte Sunneliecht werre reflektiert. Ihri schinbar Helligkait betrait 21,8m.
Wie bi allene ussere, chleine Jupitermönd sin die Date iber die physikalische Eigeschafte sehr usicher. Sälli Mönd sin so chlei, dass si au in dr gröschte irdische Teleskope numme e winzigs Liechtpünktli sin. Si sin au sowit ewegg vum Jupiter, dass keini vu dr bisherige Jupitersonde e Vorbiflueg undernumme het. Doher wird sich - es isch wohl uf längeri Zitt kei Sonde meh bim Jupiter - die schlecht Datelag au in de nächschte Johrzehnte nit ändere.
|
Dä Artikel basiert uff ere fräie Übersetzig vum Artikel „Kalyke_(Mond)“ vu de dütsche Wikipedia. E Liste vu de Autore un Versione isch do z finde. |