Höhe

D Hechi isch d Längi in vertikaler Richtung. Si isch e eidimensionali Gress un wird doher in Längeeiheite gmesse. De Begriff wird in unterschidlichi Zommenhäng mit verschideni Definitione verwendet.

Bi Objekt meint d Hechi di vertikal Ussdehnung.

Beispiel: De Eiffelturm het e Hehi vun 300 m.

In de Geometrie spricht ma vun de Hechi vun nem Polygon (Vileck, bsunders bim Dreieck) oder bim Polyeder (Vilflächner). E sonigi Hechi isch e Lot vunera Eck uffera Syte (binem Polygon) bzw. uff e Syteflächi (bim Polyeder).

Im Bezug zueneme Punkt isch d Hechi de vertikal Abstond vunem Objekt.

Bispiil: E Hochspringer erreicht e Hehe vun iber 2 m.

In de Luftfahrt isch d Masseiheit Fuess ieblich.

In de Geodäsie meint d Hehi, (änglisch Elevation), de Abschtond vun ra Referenzflechi (Geoid), wie zum Biispil de Mittelwert vum Meeresspiegel. Onwendung findet do vor allem di sognennt Normalhöhennull, aber au Meter iber Adria (i de Schwiz Meter iber Meer) oder Seekartenull werre bruucht un bilde dobi d Grundlag vun jedere Hechemessung. Biispiil: De Genfersee leit inera Hechi von 372 m iberm Meeresspiegel. Zum Teil werre Höhe au physikalisch als Potenzial vum Erdschwerefeld definiert.

D ellipsoidisch Hechi isch de Abschtond vun nem Punkt vum Bezugsellipsoid, gmesse längs vun de Ellipsoidnormale.

D astronomisch Hechi wird ineme Polarkoordinatesyschtem gmesse un git doher e Winkel vunem astronomische Objekt iberm Horizont o.