Gehörlosigkeit

E Mensch liidet an Ghörlosigkäit oder Daubhäit, wenn er gar nüt oder fast nüt cha ghööre.

Dr medizinische Usdruck für Daubhäit isch Surditas (lat.). Dr Usdruck ghörlos isch im dütsche Sproochruum entstande, wo im letschte Vertel vom 18. Joorhundert die allgemäini Schuelbildig für daubi Chinder iigfüert worde isch. Wenn s Ghöör erst Schaade nimmt nochdäm dr Daub scho gleert het schwätze, denn reedet mä von ere „postlinguale“ oder „Spoot-Daubhäit“.

Öbbe 98 Brozänt vo de Mensche, wo as ghöörlos gälte, häi no chliini Räst vom Ghöör. Dorum reedet mä mänggisch au vo hochgradiger Schwerhöörikäit oder Rästhörigkeit. S Ghöör isch eso iigschränkt, ass akustischi Räiz nume no mit Hörhilfe wie eme Hörgräät oder z. B. eme Cochlea-Implantat chönne woorgno wärde. Ob mä mit dene Hörhilfe Sprooch cha verstoo, isch indiwiduell verschiide.

D Bezäichnig daubstumm wird vo ghörlose Persone as diskriminierend empfunde, wil dr Wortdäil 'stumm' e negativi Konnotazion het und Lüt dr Begriff gege ghörlosi Persone vilmol mit dr Bedütig vo „dumm“ oder „unfähig“ bruche. Für Ghörlosi isch s Schwätze weniger wichdig as dass si chönne kommuniziere. Under sich bruche si mäistens e Gebärdesprooch, aber für zum diräkt mit Lüt wo ghööre z kommuniziere, isch s wichdig, ass si au e Lutsprooch chönne.

Mit Oralismus mäint mä en Erziejig vo daube und schwerhörige Chinder, wo d Kommunikazion uf d Sprooch fixiert isch und wo uf e Gebärdesprooch witgehend verzichdet.

• Bern Ahrbeck: Gehörlosigkeit und Identität: Probleme der Identitätsbildung Gehörloser aus der Sicht soziologischer und psychoanalytischer Theorien. Signum Verl., Hamburg 1992 ISBN 3-927731-37-4
• Oliver Sacks: Stumme Stimmen: Reise in die Welt der Gehörlosen. Rowohlt, 6. Uflaag, Reinbek bei Hamburg 2001 ISBN 3-499-19198-9

 Commons: Ghörlosigkäit – Sammlig vo Multimediadateie

• Hörschädigung und Persönlichkeitsentwicklung
• Sälbsthilforganisazione und Verbänd:
  • für wisuell orientierti Hörgschädigti: DGB Deutschland,GKV Liechtenstein, ÖGLB Österreich, SGB Schweiz
  • für Hörgschädigti, wo in ere Lutsprooch kommuniziere: LKH Deutschland, Junge Stimme Österreich, LKH Schweiz
• Fachhilfeverband:
  • SONOS: SONOS - Schweizerischer Verband für Gehörlosen- und Hörgeschädigten-Organisationen

Bitte tue de Hiwiis zu Gsundheitsthemene biachte!

Dä Artikel basiert uff ere fräie Übersetzig vum Artikel „Gehörlosigkeit“ vu de dütsche Wikipedia. E Liste vu de Autore un Versione isch do z finde.