Alain Lebeaupin

Dr Alain Paul Charles Lebeaupin (* 2. März 1945 z’ Pàris; † 24. Juni 2021 z’ Rom) ìsch a frànzeescher reemisch-kàtholischer Gaischtliger un Diplomàt vum Hailiga Schtüahl gsìì.

Dr Alain Lebeaupin hàt àm Pàpschtliga Frànzeescha Priaschterseminàri z’ Rom gschtudiart. Dernoh ìsch’r àm 21. Juni 1975 àls Priaschter gwäijt worra dur dr Bischof Jean Mouisset fìrs Bìschtumm Nizza. Ar hàt a Dokterwìrda vum Bìrgerliga-Ziwilracht bschtànda, wia àui Maischterzöignissa vu kànonischem Racht un vum Gotteslehr. Ànna 1977 ìsch’r ìn d’ Pàpschtliga Diplomàta-n-Àkademii inagànga, fìr sìch bìlda ìn Hìnblìck vun’ra diplomàtischa Kàrriar.^[1]

Vu 1979 bis 1982 hàt’r gschàfft fìr dr Schtändiga Beobàchter vum Hailiga Schtüahl bi da Verainta Nàziona z’ New York. Vu 1982 bis 1985 ìsch’r Beroter gsìì àn dr Nuntziawìrda ìn dr Dominikànischa Repüblik, un vu 1985 bis 1989 Beroter àn dr Nuntziawìrda ìm Mosàmbik. Ìm Vàtikàn hàt’r àls Beroter vum Schtààtssekretàriàt gschàfft; vu 1989 bis 1998 hàt’r dr Vàtikàn vertratta bi dr Orgànisàzion fìr d’ Sìcherhait un s’ Zammaschàffa ìm Öiropà (OSCE). Züadam ìsch’r vu 1996 bis 1998 vàtikànischer Sunderbeufftràgter gsìì bi dr Öiropäischa Gmainschàft: z’ Brüssel hàt’r a salbschtandiga Nuntziawìrda bi dr Öiropäischa Gmainschàft grìnda; vorhar hàt dàs Àmt dr Nuntz ìm Belgia üssiawt ghàà.^[2][3]

Àm 7. Dezamber 1998 ìsch dr Lebeaupin vum Pàpscht Johànnis Paul II. ärnännt worra àls Titulààr-Arzbischof vu Vico Equense un àls Àposchtolischer Nuntz ìm Ekwuator.^[4] D’ Bischofswäij hàt’r vum Pàpscht ämpfànga àm 6. Janner 1999 ìm Petersdom;^[5] d’ Mìtkonsekràtora sìn d’ Küria-n-Arzbischeef Giovanni Battista Re un Francesco Monterisi gsìì.

Àposchtolischer Nuntz ìm Ekwuator ìsch dr Lebeaupin gsìì bis ànna 2005. Vu 2005 bis 2012 ìsch’r Àposchtolischer Nuntz ìm Kenia gsìì, un gliichzittig Schtändiger Beobàchter vum Hailiga Schtüahl bim Büro vu da Verainta Nàziona z’ Nairobi, fìr d’ Programma „UNEP“ un „UN-HABITAT“. Ànna 2012 hàt ìhn dr Pàpscht Benedikt XVI. ärnännt àls Àposchtolischer Nuntz bi dr Öiropäischa Union.

Àls’r 75 Johra àlt gsìì ìsch, hàt dr Lebeaupin si àltersbedìngter Rucktrìtt vorgschtällt, wo dr Pàpscht Frànziskus àm 16. Nowamber 2020 ààgnumma hàt.^[6] Àm 27. März 2021 hàt ìhn dr Pàpscht Frànziskus ärnännt àls Konsultor vu dr Àbtailung fìr d’ Beziahunga mìt da Schtààta vum Schtààtssekretàriàt.^[7][8]

Dr Alain Lebeaupin ìsch àm 24. Juni 2021 gschtorwa, ìn sìm Wohnsìtz z’ Rom, ìm Àlter vu 76 Johra.^[9][10]

 Commons: Alain Paul Lebeaupin – Sammlig vo Multimediadateie

• Yytrag zue Alain Lebeaupin uf catholic-hierarchy.org (englisch)
• Yydrag zue Alain Lebeaupin uf gcatholic.org (englisch)
• Alain Lebeaupin uff dr offiziella Websitta vu dr reemisch-kàtholischa Kìrich ìm Frànkrìch (frànzesch)
• A Unterhàltung mìt’m Alain Lebeaupin uff dr offiziella Websitta vu dr reemisch-kàtholischa Kìrich ìm Frànkrìch (frànzesch)

1. ↑ Pontificia Accademia Ecclesiastica, Ex-alunni 1950 – 1999. Pàpschtliga Diplomàta-n-Àkademii, abgruefen am 16. November 2020 (italiänisch). 
2. ↑ Décès de Mgr Alain Lebeaupin, ancien nonce auprès de l'Union européenne. In: Vatican News. 24. Juni 2021, abgruefen am 24. Juni 2021 (französisch): „De 1989 à 1998, il représente le Saint-Siège auprès de l'OSCE, l'Organisation pour la Sécurité et la Coopération en Europe. Il cumule quelques années ce poste avec celui de chargé d'affaires auprès de la nonciature apostolique près l'Union européenne, qui se dissocie alors de la nonciature apostolique en Belgique et devient une représentation diplomatique de plein exercice.“ 
3. ↑ Mgr Lebeaupin, nonce auprès de l'Union Européenne prend sa retraite. In: Vatican News. 16. November 2020, abgruefen am 24. Juni 2021 (französisch): „En 1996, c'est lui que Jean-Paul II envoya à Bruxelles pour créér une nonciature autonome auprès des institutions de l'Europe, la tâche étant jusque là assuré par le nonce apostolique en Belgique.“ 
4. ↑ Acta Apostolicae Sedis. XCI, 1999, S. 127 (vatican.va [PDF; abgerufen am 16. November 2020]). 
5. ↑ Bischofsweihe am Hochfest der Erscheinung des Herren - Epiphanie, Predigt von Johannes Paul II. Libreria Editrice Vaticana, 6. Januar 1999, abgruefen am 16. November 2020 (änglisch). 
6. ↑ Rinunce e nomine, 16.11.2020. Prassa-Àmt vum Hailiga Schtüahl, 16. November 2020, abgruefen am 16. November 2020 (italiänisch). 
7. ↑ Rinunce e nomine, 27.03.2021. Prassa-Àmt vum Hailiga Schtüahl, 27. März 2021, abgruefen am 28. März 2021 (italiänisch). 
8. ↑ Arnaud Bevilacqua: Mgr Alain Lebeaupin, nommé consulteur de la diplomatie pontificale. In: La Croix. 28. März 2021, abgruefen am 25. Juni 2021 (französisch). 
9. ↑ Décès de Mgr Alain Lebeaupin, ancien nonce auprès de l'Union européenne. In: Vatican News. 24. Juni 2021, abgruefen am 24. Juni 2021 (französisch). 
10. ↑ Matthieu Lasserre: Mort de Mgr Alain Lebeaupin, ancien nonce apostolique auprès de l’Union européenne. In: La Croix. 24. Juni 2021, abgruefen am 24. Juni 2021 (französisch).