S Nasebei bi de Wirbeldier

Dr menschlig Schädel vo dr Siite us gseh:
1. Stirnbei (Os frontale) (gelb)
2. Schiitelbei (Os parietale)
3. Nasebei (Os nasale)
4. Dränebei (Os lacrimale)
5. Siibbei (Os ethmoidale)
6. Keilbei (Os sphenoidale)
7. Hinderchopfbei (Os occipitale)
8. Schlööfebei (Os temporale)
9. Jochbei (Os zygomaticum)
10. Oberchiifer (Maxilla)
11. Underchiifer (Mandibula)

Schädel vom ene Schoof
S Nasebei isch farbig markiert

S Nasebei (lat. Os nasale) isch e Chnoche vom Gsichtsschädel, wo us eme Chnochebäärli zsämmegsetzt isch. Es bildet dr grössti Deil vom Nasedach und eso die oberi Wand vo dr Nasehöhli.

An dr Innesiite vom Nasebei si d Nasescheidewand (Septum nasi) und die oberi Nasemuschle (Concha nasalis dorsalis) agmacht. D Nasemuschle begränzt au dr oberi Nasegang („Riechgang“).

Bi vile Süüger (Usnahme: Mensch, Raubdier) stoht s Nasebei vorne über s Zwüschechiiferbei (Os incisivum) use, so dass e spitzwinklige Iischnitt (Incisura nasoincisiva), wo vorne offen isch, usbildet isch.

Dur Schleg vo usse cha s liicht zun ere Fraktur vom Nasebei cho.

Literatur

F.-V. Salomon: Knöchernes Skelett. In: Salomon, F.-V. u. a. (Hrsg.): Anatomie für die Tiermedizin. Enke-Verlag, Stuttgart 2004, S. 37-110. ISBN 3-8304-1007-7

Dä Artikel basiert uff ere fräie Übersetzig vu dere Version vum Artikel „Nasenbein“ vu de dütsche Wikipedia. E Liste vu de Autore un Versione isch do z finde.