Ortsvorsteher
Dr Ortsvorsteher isch e Verdräter vom ene Ort, wo nit sälbstständig isch, gegenüber der zueständige Gmeind. D Funktion vom Ortsvorsteher git s in mehrere Bundesländer in dr Bundesrepublik Dütschland und Östriich. Die rächtligi Stellig vom Ortsvorsteher isch drbii unterschiidlig. Z Liechtestei isch dr Begriff analog zum dütsche Ditel Bürgermeister.
Bade-Württebärg
ändereZ Bade-Württebärg isch er dr Vorsitzendi vom Ortschaftsrot. Er verdrätet dr (Ober-)Bürgermeister bim Vollzug vo de Beschlüss vom Ortschaftsrot und bi dr Leitig vo der örtlige Verwaltig. Er cha an de Sitzige vom Gmeindirot as Beroter deilnäh aber nit bim Abstimme. Uf e Vorschlag vom Ortschaftsrot wird dr ehrenamtligi Ortsvorsteher vom Gmeindirot us em Kreis vo de Bürger gwehlt, wo für e Ortschaftsrot wehlbar si, und zum Ehrebeamte uf Ziit ernennt. Mit ere Ortssatzig cha, bsundrigs noch Iigemeindige, bestimmt wärde, ass e stedtische Beamte zum Ortsvorsteher gwehlt wird. Dä isch denn e „hauptamtlige“ Ortsvorsteher ohni eiges Stimmrächt im Ortschaftsrot, usser wenn er e gwehlts Ortschaftsrotsmitgliid isch.
Liechtestei
ändereZ Liechtenstein duet d Gmeindsversammlig der Ortsvorsteher – mä sait em au Gmeindivorsteher – und die übrige Gmeindsorgan frei wehle. D Ortsvorsteher wärde noch em Mehrheitswahlrächt gwehlt und bestimme wiitgehend d Gmeindspolitik. Der Ortsvorsteher darf nume im Hauptort Vaduz noch eme fürstlige Erlass us em 19. Johrhundert d Bezeichng Bürgermeister dräge.
| Dä Artikel basiert uff ere fräie Übersetzig vum Artikel „Ortsvorsteher“ vu de dütsche Wikipedia. E Liste vu de Autore un Versione isch do z finde. |