Baume
|
Dä Artikel bschriibt d Gmäind im Kanton Züri. Zue andere Bedüütige vo Bauma lueg da. |
Baume (amtlich Bauma) isch e politischi Gmäind im Bezirk Pfäffike vom Schwizer Kanton Züri.
| Bauma | |
|---|---|
 | |
| Basisdate | |
| Staat: | Schwiiz |
| Kanton: | Züri (ZH) |
| Bezirk: | Pfäffike |
| BFS-Nr.: | 0297 |
| Poschtleitzahl: | 8494 Bauma 8493 Saland 8499 Sternenberg |
| UN/LOCODE: | CH QBA |
| Koordinate: | 708720 / 247385 |
| Höchi: | 640 m ü. M. |
| Flächi: | 29,51 km² |
| Iiwohner: | 4924 (31. Dezämber 2022)[1] |
| Website: | www.bauma.ch/ |
 Gaschthuus Tane z Bauma | |
| Charte | |
 | |
Geografii
ändereBaume isch am Fuess vom Hörnli im obere Töösstaal. Zue de Gmäind ghööred au na d Oort Saaland und Schtëërnebëërg, und öppe 80 Wiiler und Äinzelhööf, zum Biischpil Dillhuus, Dürstele, Neuthal, de Wolfischberg, d Wälenau, d Lipperschwändi und de Schindlet.
S Piet vo de Gmäind umfasst 35,8 % landwirtschaftlichi Flèchi, 53,3 % Wald, 6,4 % Sidligsflèchi, 2,9 % Vercheersflèchi und 1,2 % Gwässerflèchi.[2] Naachbergmäinde sind Fischetaal, Wiile, Wildbëërg, Pfäfike, Hittni und Bääretschwiil. Bis Endi 2014 isch au Schtëërnebëërg e Naachbergmäind gsii.
Gschicht
ändereBaume isch zum eerschte Maal gnamset woorde im Jaar 1470 als Boumen, de Wiiler Hörne (hochtüütsch: Hörnen) 869 als Huornomarcha. Uf de 1. Januar 2015 hät Bauma mit de Gmaind Schtëërnebëërg zur Gmaind Bauma fusioniert.
Bevölkerigsentwicklig
ändereQuälle: Bundesamt für Statistik 2005[3]
| Jaar | 1850 | 1860 | 1870 | 1880 | 1888 | 1900 | 1910 | 1920 |
| Iiwooner | 2993 | 2914 | 2963 | 2837 | 2810 | 2768 | 2841 | 2966 |
| Jaar | 1930 | 1941 | 1950 | 1960 | 1970 | 1980 | 1990 | 2000 |
| Iiwooner | 2872 | 2686 | 2989 | 3214 | 3159 | 3010 | 3760 | 4259 |
De Ussländeraatäil liit bi 14,9 % (Stand 2011).[2]
Religion
ändere51,6 % vo de Iiwooner sind evangelisch-reformiert, 19,4 % sind römisch-katholisch (Stand 2011).[2]
Politik
ändereBi de Kantonsraatswaale 2011 hät s das Ergebnis ggèè: BDP 2,4 %, CVP 2,5 %, EDU 8,3 %, EVP 16,7 %, FDP 5,2 %. GLP 4,4 %, GP 6,8 %, SP 12,9 %, SVP 40,2 %, Suschtigi 0,6 %.
Gmäindspresidänt isch de Andreas (Res) Sudler (Stand 2017).
Wirtschaft
ändereD Arbetslosigkäit isch im Jaar 2010 bi 2,8 % gläge.[2]
Sit 1902 gits z Baume e Konditerei. Det wärded di bekannte Baumerflade gmacht.
Verkehr
ändereBis 1835 sind d Fuurwärch im Flussbett vo de Töss gfaare. Erscht dänn hät de Kanton d Straass vo Winterthur uf Baume und später no uf Wetzike–Ötwil poue.
Siit 1875 faart d Tösstalbahn zwüsched Winterthur und Baume, sit 1876 au zwüsched Baume und Wald. Sit 1918 ghört d Tösstalbahn de Schwizerische Bundesbahne. 1901 isch d Üürike-Baume-Bahn (UeBB) vom Adolf Guyer-Zeller poue worde. 1969 hät mer die Linie mit Büs uf de Strecki Baume–Wetzike ersetzt. Sit 1978 fared im Summer regelmässig Dampfzüg vom Dampfbahn-Verein Zürcher Oberland uf de UeBB-Strecki bis uf Hiwiil.
Tieläkt
ändereDe züritüütsch Tieläkt vo Baume ghöört zue de Oberländer Mundarte.
Literatur
ändere- Walter Sprenger et al.: Geschichte der Gemeinde Bauma. Politische Gemeinde Bauma, 1994, ISBN 3-85981-173-8
Weblink
ändere- www.bauma.ch/
- Thomas Schärli: Bauma. In: Historisches Lexikon vo dr Schwiiz.
Fuessnote
ändere- ↑ Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2022. Bei späteren Gemeindefusionen Einwohnerzahlen aufgrund Stand 2022 zusammengefasst. Abruf am 5. September 2023
- ↑ 2,0 2,1 2,2 2,3 Bundesamt für Statistik: Regionalporträts 2012: Kennzahlen aller Gemeinden (Site cha nüme abgrüeft wärde; Suche im Webarchiv) , Mai 2012
- ↑ Bundesamt für Statistik: Eidgenössische Volkszählung 2000: Bevölkerungsentwicklung der Gemeinden 1850–2000. Bern 2005 (Online uf bfs.admin.ch (Site cha nüme abgrüeft wärde; Suche im Webarchiv) , Date im Aahang (Site cha nüme abgrüeft wärde; Suche im Webarchiv) )