Sylvestre François Lacroix
Sylvestre François de Lacroix (28 April 1765–24 Mei 1843) was 'n Franse wiskundige.
| Sylvestre François de Lacroix | |
| |
| Gebore | 28 April 1765 Parys, Frankryk |
|---|---|
| Oorlede | 24 Mei 1843 (op 78) Parys, Frankryk |
| Nasionaliteit |  Frankryk
|
| Vakgebied | Wiskunde en sterrekunde |
| Instelling(s) | Veldwagterskool van die Marine van Rochefort (1782-1785) Hoërskool (1786-1787) Koninklike Militêre Skool (1787-1788) Koninklike Artillerieskool Besançon (1788-1793) Sentraalskool van Quatre-Nasies (1794-1802) Politegnikum (1799-1815) Lycee Bonaparte (1805-1815) Paryse Fakulteit (1809-1843) Kollege van Frankryk (1812-1843) |
Lacroix is in Parys gebore en het in 'n arm gesin grootgeword wat nogtans daarin geslaag het om 'n goeie opvoeding vir hul seun te verseker. Hy het 'n besondere talent vir wiskunde getoon en het op ouderdom veertien die beweging van die planete bereken. In 1782 toe hy 17 was het hy 'n instrukteur in wiskunde geword by die École Gardes de Marine in Rochefort, Frankryk. Hy het na Parys teruggekeer en kursusse in sterrekunde en wiskunde by die Lycée aangebied.[1] In 1787 was hy die medewenner van daardie jaar se Grand Prix van die Franse Académie des Sciences, maar is nooit die prys toegeken nie. In dieselfde jaar is die Lycée afgeskaf en het hy na die provinsies teruggekeer.
In Besançon het hy wiskunde, fisika en chemie by die École d'Artillerie aangebied. In 1793 het hy die eksaminator van die Artilleriekorps geword en Pierre-Simon Laplace in die pos vervang. Teen 1794 het hy sy ou instrukteur, Gaspard Monge, bygestaan om materiaal vir 'n kursus in beskrywende meetkunde voor te berei. In 1799 is hy aangestel as professor by die École polytechnique. Lacroix het meeste van sy tekste geproduseer met die doel om sy kursusse te verbeter. Ook in 1799 is hy verkies tot die nuutgestigte Institut National des Sciences et des Arts. In 1812 het hy by die Collège de France begin doseer en is in die wiskundeleerstoel aangestel in 1815.
Gedurende sy loopbaan het hy 'n aantal belangrike handboeke in wiskunde geskryf. Vertalings van die boeke in Engels is in Britse universiteite gebruik en die boeke het vir byna 50 jaar in sirkulasie gebly. In 1812 het Babbage The Analytical Society opgerig vir vertaling van die Differensiaal- en Integraalkalkulus; dit het aangevoer dat Lacroix se werk so perfek was dat enige kommentaar oorbodig was, en die boek is in 1816 deur George Peacock in Engels vertaal.[2]
Lacroix-krater op die Maan is na hom vernoem.
Bibliografie
wysig- "Eléments de géométrie déscriptive"
- "Traité du calcul différentiel et du calcul intégral", Chez Courcier, Paris, 1797-1798 (In 1802 hersien tot 'n verkorte weergawe vir gebruik in klaskamers. Die verkorte is nege keer herdruk tussen 1802 en 1881.)
- "Complément des Élémens d'algèbre, a l'usage de l'École centrale des quatre-nations", Chez Courcier, Parys, 1804
- "Traité élémentaire de calcul des probabilités", Paris, Mallet-Bachelier
- An Elementary Treatise on Arithmetic (Hilliard and Metcalf, 1825) vertaal deur John Farrar
- An Elementary Treatise on the Differential and Integral Calculus (J. Deighton and sons, 1816) in Engels vertaal deur Charles Babbage, George Peacock en Frederick William Herschel
Verwysings
wysig- ↑ Hierdie Lycée is nie te verwar met die latere Franse institusies vir sekondêre onderwys nie, maar was 'n privaat skool vir mans wat 'n algemene opvoeding wou ontvang, kyk: A short biography of Silvestre-François Lacroix. In: Lacroix and the Calculus. Science Networks. Historical Studies, vol 35. Birkhäuser Basel, Science Networks. Historical Studies (SNHS)
- ↑ "Die gap-system.org webwerf". Geargiveer vanaf die oorspronklike op 27 September 2007. Besoek op 29 Februarie 2008.
Eksterne skakels
wysig- O'Connor, John J; Edmund F. Robertson "Sylvestre François Lacroix". MacTutor History of Mathematics archive.
| Hierdie artikel omtrent 'n wiskundige is 'n saadjie. Jy kan die Afrikaanse Wikipedia help deur dit uit te brei. |