Kalsiumkarbonaat

Kalsiumkarbonaat kan vorm uit ongebluste kalk en koolstofdioksied

${\displaystyle CaO+CO_{2}\to CaCO_{3}}$ 

Of uit gebluste kalk en koolstofdioksied:

${\displaystyle Ca(OH)_{2}+CO_{2}\to CaCO_{3}+H_{2}O}$ 

In aanwesigheid van water kan kalsiumkarbonaat self verder reageer met koostofdioksied om kalsiumbikarbonaat te vorm

${\displaystyle CaCO_{3}+CO_{2}+H_{2}O\to Ca(HCO_{3})_{2}}$ 

Omrede die bikarbonaat beter oplosbaar is as die karbonaat kan hierdie reaksie tot verwering lei van gesteentes soos kryt wat uit kalsiumkarbonaat bestaan. Die opgeloste kalsiumbikarbonaat kan in die grondwater deursyfer en in grotte druipsteen vorm, as stalagmiete en stalaktiete, soos dit gebeur in Suid-Afrika se Kangogrotte.^[6]

 

Groot kristalle van kalsiet kom in die natuur voor, veral op Ysland. In die sigbare en naby-infrarooigebied is hulle deursigtig, maar sterk dubbelbrekend. Die kristal is negatief eenassig en dit word toegepas as polariseerder in hierdie golflengtegebied.^[5] Dit is moontlik om kwartgolflengteplaatjies daaruit te maak wat liniêrgepolariseerde lig omsit in sirkulêrgepolariseerd.