Siddhartha Gautama
Siddharta Gautama (tussen omstreeks 563 v.C. en 483 v.C. – 483, 411 of 400 v.C.; Sanskrit en Devanagari: सिद्धार्थ गौतम), ook Gautama Boeddha genoem, is die stigter van die Boeddhisme. Hy was glo ’n welvarende man wat al sy besittings en familie prysgegee het om die idees waarop Boeddhisme gegrond is uit te dra.[1]
| Gautama Boeddha | ||
| ||
| Gautama Boeddha | ||
| Ander name | Siddharta Gautama, Shakyamuni | |
| Persoonlik | ||
| Gebore | tussen ca. 563 v.C. tot 483 v.C., Lumbini (tans Nepal) | |
| Oorlede | ca. 483 v.C. (op 80) of 411 en 400 v.C., Kusjinagar (tans in Uttar Pradesh, Indië) | |
| Loopbaan | ||
| Titel | Die Boeddha | |
| Voorganger | Kassapa Boeddha | |
| Opvolger | Maitreya Boeddha | |
Gautama het in die 6de eeu v.C. in Noord-Indië gewoon, glo in dieselfde tyd as Mahavira. Daar word vertel dat hy grootgemaak is om 'n koning te word en met 'n pragtige prinses getrou het. As 'n jong prins sou sy pa hom teen al die hartseer van die wêreld buite die paleise beskerm het deur hom nooit te laat uitgaan nie, maar op 'n keer het hy uitgeglip en die lyding daarbuite aanskou. Hy het toe sy gesin en lewe van beskerming en groot gerief agterlaat om die oplossings vir hierdie lyding te vind.
Ses jaar lank het hy probeer en misluk, totdat hy onder 'n boom gaan sit en mediteer en sy "verligting" ontvang het. Hy het toe Boeddha geword, wat "die verligte een" beteken.
Volgens die Theravada-Boeddhistiese tradisie is hy die 28ste van die 29 Boeddhas wie se naam bekend is en die vierde van die vyf Boeddhas van die huidige kalpa.[2]
Die huidige kalpa word die bhadrakalpa ("Gunstige Eon") genoem. Die vyf Boeddhas van dié eon is:[3][4]
- Kakusandha
- Konagamana
- Kassapa
- Gautama (die huidige Boeddha)
- Maitreya (die toekomstige Boeddha)
Verwysings
wysig- ↑ HAT Taal-en-feitegids, Pearson, Desember 2013, ISBN 978-1-77578-243-8
- ↑ Gärtner, Uta; Jens Lorenz (1994). Tradition and modernity in Myanmar. LIT Verlag. p. 281. ISBN 978-3-8258-2186-9.
- ↑ Buswell Jr., RE; Lopez Jr., DS (2014). The Princeton Dictionary of Buddhism (1st uitg.). Princeton, New Jersey: Princeton University Press. p. 106. ISBN 978-0-691-15786-3.
- ↑ "Chapter 36: The Buddhas in the three periods of time". Buddhism in a Nutshell Archives (in Engels). Hong Kong: Buddhistdoor International. Geargiveer vanaf die oorspronklike op 20 Julie 2019. Besoek op 21 Desember 2014.
Eksterne skakels
wysigWikimedia Commons het meer media in die kategorie Siddhartha Gautama.