Tsjernjachofsk
 | Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
|
Tsjernjachofsk | |
|---|---|
| Kaart | Wapen |
 | |
 | |
| Vlag | |
 | |
| Land |  Rusland
|
| Federale distrik | Noordwes-Rusland |
| Oblast |  Kaliningrad
|
| Rajon | Tsjernjachofsk |
| Koördinate | 58°38′N 21°49′O / 58.633°N 21.817°O |
| Stigting | 1336 |
| Stadstatus | 10 Oktober 1583 |
| Vroeëre name | Insterburg (1336-1946) |
| Oppervlakte: | |
| - Totaal | 58 vk km |
| Hoogte bo seevlak | 30 m |
| Bevolking: | |
| - Totaal (2013) | 38 571 |
| - Bevolkingsdigtheid | 727,9/vk km |
| Tydsone | UTC +3 |
| Burgemeester | Joeri Kowilkin |
| Amptelike Webwerf | www.inster39.ru |
Tsjernjachofsk (Russies: Черняхо́вск; wetenskaplike transliterasie: Černjachovsk; tot 1946 Инстербург; Duits Insterburg, Litaus Įsrutis) is die derde grootste stad in die Russiese eksklawe Kaliningrad-oblast en setel van die stedelike munisipaliteit Tsjernjachofskoje gorodskoje posselenije met 'n bevolking van sowat 38 571 (2013).
Die stad, wat in die sentrale deel van die Kaliningrad-oblast by die samevloeiing van die Inster-, Angerapp- en Pissa-rivier geleë is, is die administratiewe hoofstad van die gelyknamige rajon en die ekonomiese hoofstad van die streek wat deur bewoners van die oblast met 'n relatief hoë lewensgehalte geassosieer word.[1]
Die vroeëre Duitse stad Insterburg in Oos-Pruise het rondom 'n kasteel ontstaan wat hier in 1336 deur die Duitse Orde as militêre basis vir veldtogte in die aangrensende Litaue opgerig is. Die Litauers het egter twee keer – in 1376 en 1457 – daarin geslaag om die kasteel te verwoes. In 1583 het markgraaf Georg Friedrich stadstatus aan Insterburg verleen.
Die Tatare-inval van 1656 en die opmars van Napoleon Bonaparte se Franse leër teen Rusland in 1812 was van die ergste gebeurtenisse in die geskiedenis van Insterburg. Tydens die Eerste Wêreldoorlog is die stad tussen Augustus en September 1914 deur Russiese troepe beset sonder dat groot skade berokken is. Eers in die Tweede Wêreldoorlog het 'n Britse lugaanval in 1944 die helfte van die stadsgebied in puin gelê. Op 21 Januarie 1945 is Insterburg deur die Rooi Leër ingeneem.
Die Duitse bevolking is in die volgende jare verdryf en die stadsnaam ter ere van die Sowjet-generaal Iwan Danilowitsj Tsjernjachofski (wetenskaplike transliterasie: Ivan Danilovič Černjachovskij), wat naby Insterburg gesneuwel het, in 1946/1947 na Tsjernachofsk gewysig.
Verwysings
[wysig | wysig bron]- ↑ Gunnar Strunz: Königsberg entdecken. Zwischen Memel und Frischem Haff. Berlyn: Trescher 2006, bl. 208
Eksterne skakels
[wysig | wysig bron]Wikimedia Commons het meer media in die kategorie Tsjernjachofsk.
