Polihaliet

Polihaliet
Formule	K2Ca2Mg(SO4)4.2H2O[1]
Onsuiwerhede	Br, CO2
Kleur	kleurloos, wit, pienk, rooi, grys, [1]
Streep	wit[1]
Hardheid	2,5 -3,5 (Mohs) [1]
Digtheid	2,78 g/cm3[1]
Optiese eienskappe
Transparansie	deursigtig[1]
Dubbelbreking	biaksiaal (-)[1]
RI-waardes	nα=1,546-1,548; nβ=1,558-1,562; nγ=1,567[1]
Kristallografie
Ruimtegroep	P1
Nommer	2
Eenheidsel	a = 6.975(3) Å, b = 6.984(3) Å, c = 8.899(3) Å α = 104.01(3)°, β = 101.19(3)°, γ = 114.10(6)°
* Lys van minerale
Portaal Geologie

Polihaliet is 'n mineraal met 'n algemene formule K₂Ca₂Mg(SO₄)₄.2H₂O. Dit is 'n evaporiet en 'n bron van vier belangrike makrovoedingstowwe: kalium, magnesium,kalsium en sulfaat.^[2]

Polihaliet is nie 'n volop mineraal nie. Dit kom saam met haliet en anhidriet is mariene afsettings voor.^[3]

Polihaliet kirstalliseer in 'n trikliniese struktuur. Dit is opgebou uit [SO₄]-tetraëders, [MgO₆]-oktaëders en [CaO₈]-driehoekige dodekaëders met kaliumione in 'n posisie wat deur 11 suurstofatome gekoördineer word.^[3]

Die verbinding is 'n hidraat en dit kan by verhitting sy kristalwater verloor en ontbind. Termogravimetrie toon 'n oorgang teen 616,4K met 'n gewigsverlies van 5,8% as gevolg van die reaksie:

${\displaystyle K_{2}Ca_{2}Mg(SO_{4})_{4}.2H_{2}O\rightarrow CaSO_{4}+(A){K_{2}Ca_{x}Mg_{2-x}(SO_{4})_{3}}+(1-A){K_{2}Ca_{y}Mg_{2-y}(SO_{4})_{3}}+2H_{2}O}$

X-straaldiffraksie bevestig die teenwoordigheid van die twee langbeiniet-fases met verskillende Ca/Mg-verhouding, maar die oorgang het reeds teen 506K plaas. Dit is dalk om kinetiese redes. Die ontbinding van polihaliet is belangrik vir die planne om radioaktiewe afval in halietafsettings te gaan bewaar. Die afval is 'n hittebron en vrystelling van water deur ontbinding van minerale soos polihaliet is ongewens.^[3]

Polihaliet word grootskaals gemyn vir sy aanwending as kunsmis. Die grootste bekende afsetting is in Noord-Yorkshire in Engeland en dit word in 2023 deur Anglo-American ontgin met skagte wat 1,6 km diep is.^[4]Dit word veral op grasperke en sportaanlegte gebruik.^[2]

Hierdie artikel is ’n saadjie. Voel vry om Wikipedia te help deur dit uit te brei.