Pous Dionisius

Pous Dionisius
Geboortenaam	Dionisius
Pontifikaat begin	22 Julie 260
Pontifikaat eindig	26 Desember 268
Voorganger	Sixtus II
Opvolger	Felix I
Gebore	Turio, Griekeland
Sterf	26 Desember 268 Rome, Italië

Dionisius was die 25ste pous van die Rooms-Katolieke Kerk.

Pous Dionisius was vermoedelik van Griekse afkoms en is gebore in Turio. Nadat die pos vakant was vir 9 maande volg Dionisius Pous Sixtus II op op 22 Julie 260 en regeer tot sy dood op 26 Desember 268. Hy word opgevolg deur Pous Felix I. Die naam ‘Dionisius’ beteken ‘gewei aan die (Griekse) God Dionysos’.

Dionisius versterk die bande met die Afrikaanse en Midde-Oosterse kerke. Hy stuur baie geld na die Gote om kerke te herbou en gyselaars te bevry. Tydens sy bewind vaardig keiser Gallienus in 260 'n dekreet uit waarin beveel word dat die Christene met rus gelaat moet word. Dit het die herstel van die Kerk bespoedig. Onder protes van die gelowiges in Alexandrië het hy 'n verduideliking van die biskop van Alexandrië (wie se naam ook Dionisius was) gevra oor die se leerstelling oor die verband tussen God en Logos. Die biskop het aan die versoek voldoen, wat die belangrikheid van die biskop van Rome versterk het. In 261 hou hy 'n konsilie in Rome wat die dwaalleer van Sabellius bestry en veroordeel die subordianisme.

Dionisius word vereer as 'n heilige, maar is die eerste pous wat nie martelaar genoem word nie. Sy feesdag is dieselfde as sy sterfdag nl. 26 Desember. In Frankryk en Augsburg word sy feesdag op 22 April gevier, die dag van sy heiligverklaring.

• Wikimedia Commons het meer media in die kategorie Pous Dionisius.
• Ökumenisches Heiligenlexikon (in Duits)
• BBKL Inskrywing (met Literatuurverwysings) in die Biographisch-Bibliographisches Kirchenlexikon (Duits)
• CE Inskrywing in die Catholic Encyclopedia (Engels)

Saamgestel uit die Nederlandse, Engelse, Duitse en Franse wiki’s.