Spieshert
| Spieshert | |
|---|---|
| |
| Grys spieshert (M. gouazoubira). | |
| Wetenskaplike klassifikasie | |
| Koninkryk: | |
| Filum: | |
| Klas: | |
| Orde: | |
| Familie: | |
| Subfamilie: | |
| Genus: | Mazama
|
| Spesies | |
|
Sien teks. | |
Die spieshert (Mazama) is ’n genus van herte. Hulle is medium tot klein en word in die Yucatan-skiereiland, Sentraal- en Suid-Amerika en die eiland Trinidad aangetref. Die meeste spesies kom in woude voor. Hulle lyk soos die duiker van Afrika en die moentjak van Asië, maar is nie verwant nie. Daar is nege spesies.
Die genusnaam is afgelei van die Sentraal-Mexikaanse woord mazame, die meervoud van mazatl, "hert".[1]
Beskrywing
[wysig | wysig bron]Die spieshert is klein tot medium, na gelang van die spesie, met stewige lywe en groot ore. Die lengte sonder die stert is 60 tot 144 cm, die skouerhoogte 35 tot 80 cm en die gewig 8 tot 48 kg. Die buitengewoon groot M. americana kan egter tot 65 kg weeg.[2][3] As hulle gewei (horings) het, is dit klein en eenvoudig.[2] Die pels wissel van rooierig of bruin tot grys.
Spesies en habitat
[wysig | wysig bron]Die taksonomie van die Mazama-spesies het in die afgelope dekade aansienlik verander. Tot 1999 is net vier erken:[2] M. americana, M. gouazoubira, M. rufina en M. chunnyi. Verskeie subspesies is intussen verhef tot volwaardige spesies sodat daar nou nege erken word in Mammal Species of the World (2005):[4]
- M. americana
- M. bororo
- M. bricenii
- M. chunyi
- M. gouazoubira
- M. nana
- M. pandora
- M. rufina
- M. temama
Die spesies kan rofweg in vier groepe verdeel word volgens grootte, kleur en habitat:
- M. americana en M. temama word gewoonlik in woude aangetref. Hulle is relatief groot tot medium met ’n rooierige pels. Die kop, nek en bene is gewoonlik gryserig tot swarterig.
- M. gouazoubira en M. pandora kom in woude, boslande en struiklande voor. Hulle is van mediumgrootte met bruinerige tot gryserige pelse.[5][6]
- M. nana, M. bricenii, M. chunyi en M. rufina hou in woude en hooglandgraslande. Hulle is medium tot klein en die pels is rooierig.
- M. bororo word in die Atlantiese woude van Suidoos-Brasilië aangetref. Hulle is wat grootte betref tussen M. americana en M. nana.[7]
Verwysings
[wysig | wysig bron]- ↑ Bright, William (2007). Native American Placenames of the United States. University of Oklahoma Press. p. 274. ISBN 0-8061-3598-0.
- ↑ 2,0 2,1 2,2 Nowak, R. M. (eds) (1999). Walker's Mammals of the World. 6de uitg. Johns Hopkins University Press.
- ↑ Trolle, M. en Emmons, L.H. (2004). A record of a dwarf brocket from lowland Madre de Dios, Peru. Geargiveer 12 Maart 2012 op Wayback Machine Deer Specialist Group Newsletter 19: 2-5
- ↑ Grubb, P. (2005). "Order Artiodactyla". In Wilson, D. E.; Reeder, D. M. Mammal Species of the World (3de uitg.). Johns Hopkins University Press. pp. 655–657. ISBN 978-0-8018-8221-0.OCLC 62265494
- ↑ Rossi, R.V. (2000). Taxonomia de Mazama Rafinesque, 1817 do Brasil (Artiodactyla, Cervidae). M.Sc. Thesis, Universidade de São Paulo.
- ↑ Medellín, R.A., Gardner, A.L., Aranda, J.M. (1998). The taxonomic status of the Yucatán brown brocket, Mazama pandora (Mammalia: Cervidae). Geargiveer 22 Julie 2011 op Wayback Machine Proceedings of the Biological Society of Washington 111 (1): 1–14.
- ↑ Vogliotti, A. en Duarte, J.M.B. (2009). Discovery of the first wild population of the small red brocket deer Mazama bororo (Artiodactyla: Cervidae). Mastozool. Beotrop. 16(2).
Eksterne skakels
[wysig | wysig bron]Wikimedia Commons het meer media in die kategorie Spieshert.
Wikispecies het meer inligting verwant aan Spieshert
Hierdie artikel is vertaal uit die Engelse Wikipedia
