Magnesiumfluoried

Eienskappe

Algemeen
Naam	Magnesiumfluoried
Chemiese formule	MgF2
Molêre massa	62,3 [g/mol][1]
CAS-nommer	7783-40-6[1]
Voorkoms	wit kristalle [1]
Fasegedrag
Selkonstantes	a=462,1pm; c=305,3pm[2]
Ruimtegroep	P42/mnm
Nommer	136
Strukturbericht	C4
Smeltpunt	1260 °C [1]
Kookpunt	2260 °C [1]
Digtheid	3,2 [g/cm3]
Oplosbaarheid	onoplosbaar [1]
Ksp	5,16 x 10-11[3]
Brekingsindeks	1,4[1]
Suur-basis eienskappe
pKa
Veiligheid
Flitspunt
Tensy anders vermeld is alle data vir standaardtemperatuur en -druk toestande.
Portaal Chemie

Magnesiumfluoried is 'n sout van magnesium en fluoorsuur met chemiese formule MgF₂.

Magnesiumfluoried kristalliseer in die tetragonale rutiel-struktuur. (C4 in die strukturbericht-klassifikasie). Die magnesiumatome is oktaëdries deur fluooratome omring.

Magnesiumfluoried word min deur bestraling met hoë energie beïnvloed. Dit beskik oor 'n lae brekingsindeks, hoë korrosiebestandheid, goeie termiese stabiliteit, aansienlike hardheid en uitstekende transmissie-eienskappe vir sigbare, ultraviolet (UV) en infrarooi lig (IR). Hierdie eienskappe maak die toepassing daarvan in verskeie velde moontlik. Byvoorbeeld, in die vorm van 'n eenkristal word dit in vensters, lense, polarisators en ander optiese komponente vir UV-toepassings gebruik, terwyl dit in sy polikristallyne vorm deur perstegnieke in optiese komponente vir IR-toepassings gebruik word. Sy deursigtigheid in UV en IR maak dit ook geskik as 'n venster in UV-stralingsdetektors vir ruimtetoepassings. Wanneer dit met elemente soos vanadium, nikkel en kobalt gedoteer word, dien dit as 'n kristallyne gasheermatriks vir die vervaardiging van instelbare vastestoflasers in die infrarooi gebied. ^[4]