Oesjanka

Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas.

Oesjanka (Russies: уша́нка; ook ша́пка-уша́нка, sjapka-oesjanka, IFA: /ˈʂapkə ʊˈʂankə/) is ’n Russiese pelshoed met oorflappe wat aanmekaargebind kan word oor die kroon van die hoed, of onder die draer se ken om die ore en onderste deel van die gesig teen die koue te beskerm.

Oesjankas word gewoonlik van konynpels gemaak en soms ook van meer gesogte pels soos dié van vosse en wolwe. Dié van nagemaakte pels word deesdae in groot maat vervaardig en aan toeriste verkoop. Die term oesjanka kom van die Russiese woord oesji (у́ши, "ore"), en sjapka-oesjanka beteken dus letterlik "hoed met oorflappe". Daar word bespiegel dat die Russe die ontwerp van die hoed van die Mongoolse leër gekry het, aangesien die Mongole ’n soortgelyke hoed gedra het. Die oesjanka bly egter ’n stereotipe van die Russiese kultuur.

• Wikimedia Commons het meer media in die kategorie Oesjanka.