Har Bracha

Har Bracha (Hebreeus: הַר בְּרָכָה) is 'n Israeliese nedersetting op die suidelike rante van die Gerizim berg op 'n hoogte van 870 meter (2,850 voet) bokant seevlak, in die heuwels van Samaria. Naby die Palestynse stad Nablus. Har Bracha is vernoem na een van die twee berge in die boek Deuteronomium waarop die helfte van die twaalf stamme van Israel geklim het om seëninge uit te spreek. Die nedersetting is georganiseer as 'n gemeenskapsnedersetting en val onder die jurisdiksie van die Shomron streeksraad. In 2021 was daar 3,062 inwoners.^[1]

Har Bracha is gestig op 17 November 1982. In 1987 het 'n kerngroep van Ortodokse families gekom wat die nedersetting gestig en gevestig het. Nadat die nedersetting gestig is, is rabbijn Eliezer Melamed aangestel as die rabbijn van die nedersetting, skrywer van die reeks halachiese boeke "Pninei Halacha".^[2]

Die nedersetting het 'n laerskool vir seuns en 'n laerskool vir dogters, 'n Ortodokse hoërskool vir seuns en 'n Ortodokse hoërskool vir dogters, asook 'n "Yeshivat Hesder" (militêre Talmoedskool).

In 2011 het 'n groot groep evangeliese Christene gekom om te help met die oes van die nabygeleë wingerde, op inisiatief en met die goedkeuring van rabbijn Melamed. Sindsdien woon hulle op die westelike heuwel van die nedersetting.

Nadat verskeie honderde private huise in Har Bracha gebou is, het die gemeenskapslede besluit om met die bou van vier-, vyf- en sesverdiepinggeboue te begin. Hierdie besluit is geneem om behuising bekostigbaar te maak vir jong pare. As deel van die ontwikkeling is seun- en dogterskole saam met elf kleuterskole opgerig.

• Har Bracha