Gebruikerbespreking:Elana Barker

Hallo Elana Barker, hartlik welkom op die Afrikaanse Wikipedia! Message in English Bericht in het Nederlands Dankie vir jou belangstelling in Wikipedia. Ons werk hier aan die ideaal van ’n gratis en vrylik beskikbare, vrylik bewerkbare, neutrale en volledige ensiklopedie. Die Afrikaanse Wikipedia bestaan al sedert Desember 2001 en bevat reeds 120 105 artikels. Vanaf die begin van die projek het die gebruikers ’n aantal riglyne en uitgangspunte vir artikelbewerking en onderlinge samewerking opgestel. Nuwelinge kan hieruit voordeel trek. Jy mag dit behulpsaam vind om van die skakels in hierdie raampie te volg en met die projek vertroud te raak voordat jy begin bydra. Indien jou vingers jeuk om te eksperimenteer, kan jy gerus ons Sandput besoek: dit is juis vir die rede daar. Uiteindelik wil ons dat al ons gebruikers vry voel om hulle gang te gaan, maar dit doen natuurlik geen kwaad om ’n bietjie houvas te kry voor 'n mens in die diep kant in spring nie! Besoek gerus ook ons Geselshoekie, ons gebruikers staan gereed om hand by te sit, of bloot net hand te skud. ___ Verifieerbaarheid Die eerste van Wikipedia se drie kernbeleide ___ Geselshoekie Die gewilde bymekaarkomplek ___ Geen oorspronklike navorsing Die tweede van Wikipedia se drie kernbeleide ___ Sandput Eksperimenteer na hartelus ___ Neutrale standpunt Die derde van Wikipedia se drie kernbeleide ___ Redigeringsinstruksies Hoe maak ek: teks wat skuinsgedruk is? ’n opskrif? tabelle? ___ Wat Wikipedia nie is nie Daar is ook ’n paar dinge wat ons nié hier doen nie ___ Beelde As jy beelde wil oplaai ___ Beleefdheid Ken jou maniere ___ Wenke vir die skryf van ’n goeie artikel Soms sê die naam alles Hierdie bladsy, wat nou op jou skerm vertoon word, is trouens jou persoonlike besprekingsbladsy. Die plek waar ander Wikipediane jou in die toekoms kan kontak en jy hulle dan kan beantwoord. Elke gebruiker het so ’n bladsy. Jy kan dus ook boodskappe op ander gebruikers se besprekingsbladsye los. Sluit boodskappe en besprekings altyd af met ~~~~ of deur op die handtekeningknop in die wysigingsvenster te kliek: sodoende word jou boodskap onderteken met jou gebruikersnaam en die datum en tyd waarop die boodskap gestuur is. Kliek dan laastens op "Publiseer wysigings" om enige bewerkings te stoor.

Gaan kyk asb. wat ek met bron gedoen het by Norman Bailey. Groete! Oesjaar (kontak) 11:07, 24 Mei 2018 (UTC)[antwoord]

Kyk asb. hoe om bronne reg aan te dui. Winston (kontak) 12:42, 25 Mei 2018 (UTC)[antwoord]

Skakel my asb! Jy het my nommer! Oesjaar (kontak) 08:20, 29 Mei 2018 (UTC)[antwoord]

Dis eintlik baie eenvoudig. Ek dink as jy dit soos hier onder doen, is dit reg. Ek dink dis reg, want die ensiklopedie se naam is tog Wêreldspektrum, daarom kom dit kursief. Ensiklopedie Afrikana is seker die maatskappy se naam.

Jy praat eintlik van bronne en nie verwysings nie. Laasgenoemde werk heel anders, met hakies en die sjabloon {{Verwysings}}. Jy het dit nie nodig vir bronne nie.

==Bronne==
*''Wêreldspektrum'', 1982. Ensiklopedie Afrikana (Edms.) Bpk., ISBN 0908409419 stel, ISBN 0908409443 band

Net nog iets. As jy iets sê op iemand of 'n artikel se besprekingsblad of in Geselshoekie eindig altyd met 'n spasie en vier tildes na mekaar:

~~~~

Dan vul dit jou naam outomaties in en almal weet wie die kommentaar gelewer het.

Voorspoed! Winston (kontak) 11:38, 29 Mei 2018 (UTC)[antwoord]

Hallo Elana,

Dankie vir jou bydrae daaroor, maar ek het 'n vraag. Is dit nie kassawe pleks van kassiewe nie? En word dit ook maniok genoem of is dit 'n ander plant?

O ja, ek het ook jou brugakkedis se formaat aangepas na wat ons gewoonlik met diere doen. -Jcwf (kontak) 13:33, 31 Mei 2018 (UTC)[antwoord]

Baie dankie ek waardeer dit!! – Hierdie ongetekende kommentaar is deur Elana Barker (Bespreking • Bydraes) gelewer.

Jy het nou drie duplikaatartikels in twee gedoen, maklikes wat jy kon vermy het. Dit gaan nou weer baie tyd verg van iemand om dit reg te stel wat nie betaal word om dit reg te maak nie. Werk saam asseblief.... Oesjaar (kontak) 12:48, 1 Junie 2018 (UTC)[antwoord]

Elana, ek het so 'n bietjie verbeter aan Hooglied. Daar is egter nog blantante spelfoute. Kan jy regmaak asb? Groete! Oesjaar (kontak) 19:46, 4 Junie 2018 (UTC)[antwoord]

Dankie Oesjaar, ek het dit reggestel. Elana Barker (kontak) 09:18, 11 Junie 2018 (UTC)[antwoord]

Elana, ek hierdie artikel deurgewerk, taal en ander skakels bygevoeg. Kan jy asb net die bronne/verwysings bywerk? Groete! Oesjaar (kontak) 06:05, 12 Junie 2018 (UTC)[antwoord]

Elana, ek sien nou met 'n skok dat daar nog geen sprinkaanspesie beskryf is nie. Het jou boek enige sulke inligting beskikbaar? Groete! Oesjaar (kontak) 08:07, 12 Junie 2018 (UTC)[antwoord]

Dis goed om te weet waar die leemtes is, maar nee ek die Wêreldspektrum werk mos alfabeties. Het nog geen sprinkaanspesies gesien nie. Tans is ek by "e" en wil nou iets plaas van eierlêende soogdiere. Lyk nie of daar al so iets is nie.– Hierdie ongetekende kommentaar is deur Elana Barker (Bespreking • Bydraes) gelewer.

@Elana Barker: sien Monotremata. K175 (bespreking | bydraes) 08:17, 12 Junie 2018 (UTC)[antwoord]

Ek het verder gaan loer en gesien daar is afdelings van eierlêende soogdiere. Die artikel is 'n saadjie, so mag ek byvoeg? Elana Barker (kontak) 08:19, 12 Junie 2018 (UTC)[antwoord]

Altyd! Voeg bron by! Oesjaar (kontak) 08:20, 12 Junie 2018 (UTC)[antwoord]

Nou het ons iets oor Sprinkaan, baie dankie Elana. Maar dié artikel is 'n bietjie verwarrend, sien Wikipedia:Geselshoekie. Help asseblief. Groete. --  SpesBona 12:28, 21 Augustus 2019 (UTC)[antwoord]

Hallo Oesjaar

Jy het iets al genoem van 'n tydlyn. Ek het op 'n lekker tydlyn afgekom wat ek kan aanvul. Kan jy my dalk net 'n kort pad verduidelik soontoe? -- Elana Barker (kontak) 07:30, 15 Junie 2018 (UTC)[antwoord]

Hi Elana, is jy nog besig met Edna Molewa? Masjienvertaling word nie aanvaar nie. K175 (bespreking | bydraes) 12:47, 28 Junie 2018 (UTC)[antwoord]

Hallo daar! Ja, ek is nog besig met die artikel so ek sal 'n knoop in my oor maak om daardie woord reg te maak! Dankie! Elana Barker (kontak) 07:16, 2 Julie 2018 (UTC)[antwoord]

Elana, die kopie wat jy by hierdie artikel gevoeg het, vloei mos nie in by wat aanvanklik daar gestaan het nie. So verswak jy 'n artikel in plaas van om dit te verbeter. Winston (kontak) 11:27, 27 Julie 2018 (UTC)[antwoord]

Hallo daar! Ek het dit reggestel! Dankie vir jou hulp! Elana Barker (kontak) 12:18, 27 Julie 2018 (UTC)[antwoord]

Elana Barker, as u nuwe inligting by 'n artikel byvoeg, moet asseblief nie bo-oor ander mense se werk skryf nie. Moet veral nie verwysings en sjablone verwyder nie. Rooiratel (kontak) 06:36, 19 September 2018 (UTC)[antwoord]

Die rede hoekom ek soms iets verwyder is omdat die inligting wat ek byvoeg dieselfde sê. Indien die bestaande inligting fonetiese uitsprake/datums/ander feite bevat wat nie by my inligting is nie, dan los ek dit daar en voeg net my bydrae by. Ek poog om artikels te verbeter en meer "vleis" aan te sit. Ek het geen sjablone/verwysings verwyder nie. Elana Barker (kontak) 07:19, 19 September 2018 (UTC)[antwoord]

Jy het hier 'n verwysing verwyder: https://af.wikipedia.org/w/index.php?title=Kaappunt&type=revision&diff=1822774&oldid=1469406&diffmode=source

En jy het hier 'n sjabloon verwyder: https://af.wikipedia.org/w/index.php?title=Kaapkolonie&type=revision&diff=1822769&oldid=1808829&diffmode=source

Wees asseblief versigtig. Rooiratel (kontak) 10:55, 19 September 2018 (UTC)[antwoord]

Ek het gaan loer, die sjabloon is nog daar, hy het net afgeskuif :) Elana Barker (kontak) 11:49, 19 September 2018 (UTC)[antwoord]

Jammer, ek het dit nie gesien nie. Ek het nie verwag dat dit so ver onder sal wees nie. Ek het dit nou reggemaak. Rooiratel (kontak) 06:36, 20 September 2018 (UTC)[antwoord]

Elana, bogenoemde twee artikels is identities, ek stel voor jy skrap een. Groete! Oesjaar (kontak) 18:11, 29 Oktober 2018 (UTC)[antwoord]

Ek het al van te vore probeer om 'n artikel te skrap, maar dan bly die titel nog daar en dan is dit net 'n leë artikel wat oorbly. Toe neem ek aan net die administrateurs kan artikels skrap. Kan jy my asseblief help daarmee? Elana Barker (kontak) 11:01, 31 Oktober 2018 (UTC)[antwoord]

@Elana Barker: jy is korrek. As jy 'n artikel vir skrap wil nomineer, plaas {{skrap}} bo-aan die artikel. – K175 (trap my uit) 11:32, 31 Oktober 2018 (UTC)[antwoord]

Dankie, ek maak so! Hier is die skakel - Elana Barker (kontak) 11:42, 31 Oktober 2018 (UTC)[antwoord]

Hallo Elana. Sien asb. my kommentaar by Bespreking:Kerkgeskiedenis. Groete, Alias (kontak) 13:06, 6 November 2018 (UTC)[antwoord]

By Klimplante (dankie vir hierdie en ander bydraes!), nou onder Rankplant, het jy miskien nagelaat om aan te dui watter band van Wêreldspektrum die bron was, want daar staan net "band". JMK (kontak) 10:25, 12 Desember 2018 (UTC)[antwoord]

So ook by Kerkgeskiedenis, daar staan net "band". En die "1nten" skandeerfout by die volgende sin kon ek nie regstel nie: "Teen die einde van 1936 was daar reeds 10 sendelinge 1nten waardige groei in die werk onder die Swartmense was." JMK (kontak) 14:09, 12 Desember 2018 (UTC)[antwoord]

Agge nee ek sal dit gaan regmaak! Dankie dat julle dit opgetel het! ISBN 0908409567 band moet daar staan Elana Barker (kontak) 08:24, 13 Desember 2018 (UTC)[antwoord]

Hallo Elana. Gebruik asseblief enkelvoudvorme vir artikels se titels. Sien Wikipedia:Titelriglyne#Enkelvoud_en_meervoud Groete. - Rooiratel (kontak) 06:09, 15 Mei 2019 (UTC)[antwoord]

Maak so! Dankie Elana Barker (kontak) 08:29, 15 Mei 2019 (UTC)[antwoord]

Elana, kan jy asb net die duplikaatfeite wat jy bygevoeg het uithaal en die artikel in Wiki formaat los asb! Groete! Oesjaar (kontak) 13:42, 27 Mei 2019 (UTC)[antwoord]

Ek het dit gedoen, dankie. Daar is geen opskrifte in die teks nie, so ek wou nie karring om my eie opskrifte daarin te sit nie. Die toevoeging wat ek gemaak het is min, daarom het ek dit steeds 'n saadjie gelos. Elana Barker (kontak) 06:15, 28 Mei 2019 (UTC)[antwoord]

Elana, maak asb die spelfoute reg wat die OCR gedoen het. Daar is 'n hele klompie. Groete! Oesjaar (kontak) 08:07, 6 Junie 2019 (UTC)[antwoord]

Dankie Deon, ek het dit reggemaak. Elana Barker (kontak) 09:48, 6 Junie 2019 (UTC)[antwoord]

Goeienaand Elana, ek sien jy is lekker besig met Wêreldspektrum van A tot Z. Baie dankie daarvoor! Jy is tans by "So" en het voorheen onder ander die artikels Moskee en Moses mooi uitgebrei. Ek dog dat Wêreldspektrum ook oor inligting rakende Sinagoge beskik. Is dit juis nie die geval nie? Dit sal gaaf wees as daar iets is. Groete. --  SpesBona 19:05, 1 Augustus 2019 (UTC)[antwoord]

Goeie môre Spesbona

Ek is nou by Boek 26 en snaaks genoeg nog niks van Sinagoge het opgeduik nie. Sodra die Wêreldspektrum afgehandel is, gaan ek begin met die Kennis-reeks. Miskien is daar dalk iets. Elana Barker (kontak) 07:11, 2 Augustus 2019 (UTC)[antwoord]

Hallo Elana, van my kant af wil ek net sê baie dankie vir die uitstekende werk wat jy doen en vir wat dit alles vir Afrikaans beteken! Dit word opreg waardeer :) Charlielv55 (kontak) 08:06, 20 Augustus 2019 (UTC)[antwoord]

Haai dit is nou 'n lekker boodskap! Dit is vir my heerlik! Ek doen dit met die grootste lied in my hart! Elana Barker (kontak) 08:27, 20 Augustus 2019 (UTC)[antwoord]

Stem saam! Ek is baie dankbaar vir goed soos Spanje en al die artikels uit die biologie. Ek help graag met die taksoboks. Groete. --  SpesBona 09:07, 21 Augustus 2019 (UTC)[antwoord]

Dankie julle ou dierbare goed! Ek sukkel met sjablone! Ek wens dit het vir my maklik gekom soos vir julle, dan kon ek die diere wat ek oplaai reg doen volgens standaard! Elana Barker (kontak) 10:14, 21 Augustus 2019 (UTC)[antwoord]

Toemaar jy is nie die enigste een nie, ek sukkel ook maar daarmee en het 'n kleintjie daaraan dood! :) Charlielv55 (kontak) 11:39, 21 Augustus 2019 (UTC)[antwoord]

Hallo, Elana Barker, onthou asb. om onderwerpe te nomineer vir volgende week se skryfweek! Namibië loop tans voor, met Indonesië in die tweede plek! – K175 (gesels met my | my bydraes) 16:30, 22 September 2019 (UTC)[antwoord]

Elana, hierdie artikel bestaan al as Robert Baden-Powell. Jy het jou artikel se van verkeerd gespel. Moet ek dit delete? Groete! Oesjaar (kontak) 10:46, 30 September 2019 (UTC)[antwoord]

Dit sal gaaf wees as jy my verkeerde een kan uitvee, dankie. Ek het die ekstra inligting oorgedra na die korrekte blad toe. Elana Barker (kontak) 12:04, 30 September 2019 (UTC)[antwoord]

Elana, sien https://af.wikipedia.org/wiki/Bespreking:Solidariteit#Blatante_bemarking_2 Groete! Oesjaar (kontak) 05:27, 1 Oktober 2019 (UTC)[antwoord]

Elana, ek neem aan jy het nou deur Wêreldspektrum gewerk, begin jy nou met Kennis? Groete! Oesjaar (kontak) 12:32, 21 Oktober 2019 (UTC)[antwoord]

Hallo Oesjaar,

Ja, ek is nou by Boek 1 van die Kennis-reeks. Hy het baie meer prente en het nie so baie inligting soos wat die Wêreldspektrum gehad het nie. Ek mis dit! - Elana Barker (kontak) 12:56, 21 Oktober 2019 (UTC)[antwoord]

Hallo Elana, hoe gaan dit? Iets wat ek jou lankal wou gevra het: Waar kom snaakse skakels soos [[Jakoeties|Jaloe]] vandaan? Dis verwarrend vir ons lesers. In hierdie geval verwag hulle 'n grensrivier tussen China en Korea (wat ek al onder Yalu geskep het), maar hulle kry 'n taal in Rusland! Let asseblief op korrekte skakels. Groete. --  SpesBona 10:35, 21 November 2019 (UTC)[antwoord]

@SpesBona: Ek dink dit kom van skakels invoeg via die Visuele Redigeerder. Ek het dit ook al teëgekom. – K175 (klets | my bydraes) 10:38, 21 November 2019 (UTC)[antwoord]

@K175: Nou weet ek hoekom ek dit nie gebruik nie. Dis nog 'n rede! ;) Groete. --  SpesBona 10:40, 21 November 2019 (UTC)[antwoord]

Dankie vir die netjiese uitbreiding van Groot Trek. Reuse verbetering aan die artikel. Die volgende sin verwar my effens: "Voor die vertrek is sis, molvel, linne en wal–en velkomberse aangeskaf", veral die "wal". Miskien wil jy kyk of iets verkeerd inskandeer is. JMK (kontak) 15:48, 29 November 2019 (UTC)[antwoord]

Hallo daar!, dankie! Ek het dit gou reggemaak, dink dit moes wol wees! Elana Barker (kontak) 13:20, 2 Desember 2019 (UTC)[antwoord]

Na aanleiding van Susan se e-pos oor bogenoemde, ek het dit na WikimediaZA se voorsitter gestuur. In kort, julle prokureurs het nie die reg om te besluit oor wat Wikipedia sal aanvaar nie. Wikipedia is ook 'n regsinstansie wat reëls het en daardie besluit lê by Wikipedia.

Susan se e-pos stel dit dat hulle eintlik sukkel om toestemming te kry en dat hulle prokureurs sê dit is korrek. Nie aanvaarbaar vir Wikipedia nie. Tans is die Wikipedia-standpunt dat die woord-vir-woord gebruik van bogenoemde plagiaat pleeg.

Hou asb. dadelik op om hierdie tipe bydraes te maak totdat die regsposisie uitgesorteer is.

Groete! Oesjaar (kontak) 14:04, 9 Januarie 2020 (SA) [taal goedgunstelik verbeter deur Aliwal2012 14:25, 9 Jan 2020]

Goeienaand Elana, jammer vir al die prente wat op Commons verwyder is. Ek loop al sedert jare agter die liewe CommonsDelinker en herstel verwyderde prente met goeie alternatiewes. Hulle doen dit nie vir ons nie. Hulle gee natuurlik altyd hul rede vir verwydering, maar soms is dit afgesny weens die beperkte spasie in die opsomming. As die prent se naam baie lank is, sien ons net die naam van die admin en dit is dit. Ek het al self besluit, om die een of ander van my eie prente liewers hier as daar op Commons te laai. Ek stel voor, jy laai van die prente hier plaaslik op ons wiki en ons kyk waar ons kan help. Ons bespreek dit liewers op ons eie en nie elders nie. Dis mos ons projek. As ons die toestemming van Jack Parow letterlik sien, is dit waarskynlik voldoende, al is dit 'n klankopname met sy stem waar hy sy toestemming gee. Ons kan hier vinniger help en self besluit, as ons iets verwyder, al dan nie. Die deskundiges van SA se kopiereg sit mos hier en nie by Commons nie. Hier bestaan nie eens druk rakende tyd nie. Sterkte! Groete. --  SpesBona 22:30, 13 Januarie 2020 (UTC)[antwoord]

Hallo SpesBona,

Baie dankie vir jou mooi antwoord! Ek is al so moedeloos om heeltyd net raas te kry by almal soos 'n stout kind. As jy sê ek moet die foto's hier oplaai, waar is "hier"? Ek laai dit met graagte op en gee 'n verduideliking van waar dit kom by elke foto as ek net weet waar is "hier". En as ek dan die artikel se foto wil laai, gaan ek dit nog steeds via commons moet laai, so hoe maak ek dan. Die enigste manier om 'n foto op te laai is om daardie roete te volg.

Ek het die mooiste foto's van die musiekgroepe en daar is nog op pad, want ek het voelers uitgesteek na Afrikaanse kunstenaars toe. As alles heeltyd afgekeur gaan word, dan hol ek die berge in!

Hoor graag van jou!

Groete, Elana Barker (kontak) 08:53, 15 Januarie 2020 (UTC)[antwoord]

Elana, ek antwoord jou, want ek sien jy het nog foto's om te laai. Gaan kyk links onder "Gereedskap", daar is "Laai lêer". Klik daarop, laai die foto en vul dan net die inligting in. Ek is nie seker waar jy die toestemming moet plaas ni, dalk op die foto se besprekingsblad? ~ Burgert (kontak) 11:48, 15 Januarie 2020 (UTC)[antwoord]

Baie dankie ek maak so! Elana Barker (kontak) 11:52, 15 Januarie 2020 (UTC)[antwoord]

@Elana Barker: jammer vir die laat antwoord, sien asb hier. --Aliwal2012 (kontak) 09:48, 15 Februarie 2020 (UTC)[antwoord]

@Elana Barker: moet asb nie die <br /> en dubbelspasiëring by bronne gebruik nie, dit formateer nie reg nie, --Aliwal2012 (kontak) 17:22, 16 Maart 2020 (UTC)[antwoord]

@Elana Barker: - Jong jy moet maar help keer, ek sien iemand wil jou verdienstelike artikel laat verwyder. Dra maar liefs jou "hou" by, ek het reeds. :) Groete Charlielv55 (kontak) 15:33, 24 Februarie 2020 (UTC)[antwoord]

Hierdie "jou" teenoor "my" artikel nonsens is afgesaag Dumbassman (kontak) 15:42, 24 Februarie 2020 (UTC)[antwoord]

Hallo @Elana Barker:, ek is glad nie tevrede met bg. nie! Gaan lees asb my Bespreking:Koppelaar#Rekenaarvertaling. --Aliwal2012 (kontak) 09:21, 8 April 2020 (UTC)[antwoord]

Ek het, en ek is ook besig om dit te veranderElana Barker (kontak) 09:26, 8 April 2020 (UTC)[antwoord]

Beste Elana, jy het jou ooreengekome beperking op Afr-wikipedia oortree deur aan 'n artikel Forum Films, (asook 'n kopiereg-foto) by te dra.

Jy word nou geskors vir 6 maande. Ek dink regtig jy is al genoeg kere gewaarsku daaroor. Groete, -- Aliwal2012 19:38, 15 Junie 2020 (UTC)[antwoord]

Beste, Elana. Jy word hiermee onbeperk versper vir sockpuppeting. Jy het twee ander gebruikersrekeninge geskep om rondom jou versperring te kom. Dit is nie toelaatbaar nie. Ons het mooi met jou gepraat. Jy het verskeie waarskuwings van ons kant af gekry. Jy het net mooi vere gevoel. Totsiens. Lefcentreright (kontak) 19:35, 3 Augustus 2020 (UTC)[antwoord]

Baie geluk! Hierdie artikel is as voorbladartikel aangewys Groot Trek, ’n artikel waarby jy ’n groot bydrae gelewer het, is deur ’n gebruiker as ’n spogartikel geïdentifiseer en deur die gemeenskap tot voorbladartikel verkies. Dankie vir jou bydrae. Sien gerus Wikipedia:Voorbladartikel vir ons versameling spogartikels, of nomineer self ’n artikel vir voorbladstatus by Wikipedia:Kandidaatartikels vir voorblad.

Baie geluk met dié nuwe en interessante voorbladartikel. Groete. --  SpesBona 20:33, 18 Februarie 2024 (UTC)[antwoord]