Coen-broers

Coen-broers
Die Coen-broers by die Cannes-filmfees van 2015.
Geboortenaam	Joel en Ethan Coen
Alias	Tweekoppige regisseur
Nasionaliteit	Verenigde State

Die Amerikaanse broers Joel (1954-) en Ethan Coen (1957-) staan kollektief as die Coen-broers (of Coen Brothers) bekend. Hulle is bekend vir die draaiboeke wat hulle skryf en die rolprente wat hulle maak. In die filmwêreld word hulle die "tweekoppige regisseur" genoem, omdat hul meestal nou saamwerk en dieselfde idees vir hul prente deel. Hulle flieks sluit in Fargo (1996), The Big Lebowski (1998) en No Country for Old Men (2007). Hulle het Oscars vir Fargo en No Country for Old Men ontvang.^[1]

Joel Coen is op 29 November 1954 in St. Louis Park, 'n buitewyk van Minneapolis, gebore. Hy is sedert 1984 met die aktrise Frances McDormand getroud en het 'n aangenome seun genaamd Pedro. Ethan Coen is op 21 September 1957 gebore, ook in St. Louis Park. Hy is met Tricia Cooke getroud. Hulle pa is 'n hoogleraar in ekonomie, terwyl hul ma 'n hoogleraar in kunsgeskiedenis is.

Ná skool het Joel filmwese aan die Bard-kollege by Simon's Rock in Massachusetts studeer. Ethan het filosofie aan die Princeton Universiteit studeer.

Hul eerste film, Blood Simple (1984) handel oor 'n kroeg-eienaar wat 'n speurder vra om sy vrou en haar minnaar te vermoor. Cohens het die regie behartig, maar slegs Joel is vir die fliek gekrediteer.

• Blood Simple (1984)
• Raising Arizona (1987)
• Miller's Crossing (1990)
• Barton Fink (1991)
• The Hudsucker Proxy (1994)
• Fargo (1996)
• The Big Lebowski (1998)
• O Brother, Where Art Thou? (2000)
• The Man Who Wasn't There (2001)
• Intolerable Cruelty (2003)
• The Ladykillers (2004)
• No Country for Old Men (2007)
• Burn After Reading (2008)
• A Serious Man (2009)
• True Grit (2010)
• Inside Llewyn Davis (2013)
• Hail, Caesar! (2016)

• Wikimedia Commons het meer media in die kategorie Coen-broers.
• Joel Coen in die Internet-rolprentdatabasis
• Ethan Coen in die Internet-rolprentdatabasis