鄭芝龍
鄭芝龍（1604年4月16號—1661年11月24號），係大明末期嘅海盜同海上生意人，亦係延平王鄭成功嘅阿爸。
佢係娶咗日本嘅夫人、平戶藩家臣田川昱皇嘅女——田川松[1]，先生咗鄭成功。
芝龍喺歷史上以澳門做根據地，出海最遠去到過非洲[2]。所以佢同個仔就有著一支黑人僱傭軍，同佢哋做貼身保鑣、打仗。啲黑人都係基督信徒，有部分係由於奴隸販賣而過來（嗰時嘅人口販賣有經澳門中轉站，就令黑人輸入埋中國大陸），仲有一部分係出於宗教熱情（？）而來華冒險嘅。鄭氏兩仔爺對啲黑人雇傭軍嘅待遇好好，黑人亦比較忠心。相比之下，鄭芝龍手下仲有啲歐美人、日本人，雖然軍餉高出黑人唔少，忠誠度就唔及黑人[3]。
參考
[編輯]- ↑ 大明朝的「五虎游擊將軍「，東方海洋世界的一代梟雄——鄭芝龍 天天要聞 2019-09-06
- ↑ 人文大師下午茶．蕭鳳霞教授談 「珠江流域的世界聯繫： 一個歷史視角與文化布局」 互聯網檔案館嘅歸檔，歸檔日期2020年7月19號，. 國立臺北教育大學 蔣馥蓁博士記錄整理，經主持人簡美玲教授審訂 2019-06-26
- ↑ 明朝聘黑人雇佣军，战场上让敌人魂飞丧胆，给郑成功当过保镖 互聯網檔案館嘅歸檔，歸檔日期2020年7月19號，. 2017-12-24 趣味历史文章
 |