央街

央街^{[註 1]}（英文：Yonge Street），口語通常直接叫 Yonge（粵拼：粵化口語音：jang1，英文讀音：/jʌŋ/），係加拿大安大略南部嘅一條街，1794年開始起^[1]，本來起嚟運軍事物資^[2]，街頭喺多倫多最南篤嘅湖邊，號稱 ｢全世界最長嘅街｣，但係因為喺1997年安省政府將本來路綫重叠嘅央街同安大略11號公路拆開咗，佢喺1999年已經喺健力士世界紀錄大全度除咗名^[1]。

央街嘅前身其實係一條加拿大原住民一直都有用開嘅一條徑^{[3]:117–118}；喺1793年，時任上加拿大省督閃高由西面嘅多倫多通道北上，但係由於沿途遇到沼澤，返嚟嗰陣由東面嘅另一條路返，但係呢條路係樹林，閃高覺得危險，返到多倫多（當時已經被佢改咗叫約克）之後決定將東面呢條路嘅樹砍走，起條羅馬式嘅大路，改名叫 Yonge 街^{[3]:112–118}，紀念嘅係閃高嘅一個朋友 George Yonge^[4]:246。