上海闲话

该文章包括国际音标符号。如果呒不合适个字母搭符号支持，相关字符可能显示为问号、方块或者其他个符号，而非Unicode 字符。

上海闲话，国际音标：[z̥ɑ̃²² he̞⁵⁵ ɦe̞³³ ɦo²¹]，是吴语太湖片苏沪嘉小片个一种闲话，貤是吴语里向拉近代交关有影响力个一种语言。乃朝上海闲话拨推广普通闲话挤占空间，外加上海人出生率下降，出国移民搭老老多个外地移民涌入，另外顶重要个是箇歇上海学堂里向弗容許讲上海闲话，弄得来上海閒話垃拉上海使用率豪𢜶下降，传承已经出现脱邪气严重个危机哉。

狭义浪个上海闲话一般性指个是上海市区人讲个闲话。

上海闲话分布拉上海市区，包括黄浦、静安、虹口、杨浦、徐汇、普陀以及上海郊区搭国外个交关多个场化。八十年代后，上海市中心拆迁加剧，交关上海人畀迁去郊区，故咾上海闲话箇歇开始望郊区扩散。必過市中心一眼场化因为外来人口个关系，实际丄已经變成功上海闲话个空白区哉。

上海闲话个基础是松江片吴语，原生因为来拉海边，发展交关慢，来北部吴语里向算是顶滞后个一道里个。开埠仔，两样生个场化个移民特别是江浙吴语区移民出现勒箇𡍲塊，再加现代化个进程，上海地区吴语个面貌开始高速发展，搭老早底个吴语已经弗大一样哉。上海闲话是适合近代语音个吴语，消灭脱大部分中古汉语遗留，拥有快速、明瞭个特点，音韵貤相当便当，相当于各地吴语个“頂大公约数”，曾经拉70年代前后成为长三角地区通用闲话。^[1]

錢乃榮講上海閒話有四隻演化階段。^[2]

1853到1899年，箇段辰光大多數資料儕是西方語言學家寫成功个。

• /dz/韻消失脫
• 咸山攝鼻音落脫
• /n//ŋ/（前後鼻音）弗分
• 入聲全部併進/ʔ/
• 濁上歸去

1900到1939年辰光，就是「老派」。

• 雙唇擦音變成功唇齒音
• 軟顎音搭/n/顎化
• /uo/搭有點/ɔ/合併進/o/
• 咸山攝合口呼變成功/ø/
• /œʔ/搭/eʔ/併成/aʔ/，/ʌʔ/變成功/ɑʔ/

1940到1969年，「中派」。

• 氣聲發聲態落脫
• /f h v ɦ/分別更加叫明顯
• 高元音前頭/s z/併進/ɕ ʑ/
• 雷來蘭弗分
• /ie/韻慢慢叫併到/i/裡向
• /ɿ ʮ/合併
• /iəŋ//iŋ/合併
• /ioŋ//ioʔ/分割出/yəŋ//yɪʔ/
• /ɔʔ//iəʔ/分別併進/oʔ//iɪʔ/
• 陰上陰去合併

1970到1999，箇个階段結束就代表新派个開始。

• /dʑ/因為普化出現
• 有點人疑母變成功/ɦ/
• 普通閒話/f/影響到上海閒話本身讀/h ɦ/个字
• 瞎胡調个清化
• 咸山攝雙元音變單元音
• /ã//ɑ̃/弗分，鼻化也有辰光讀成鼻音/ŋ/
• /aʔ/搭/oʔ/併進/əʔ/，/iaʔ/併進/iɪʔ/
• /ioŋ//ioʔ/普化成/yŋ//yɪʔ/
• /e/有辰光普化成/ei/
• /ɤ/讀成[ɤɯ]
• /o//u/弗分

推廣普通話之後，上海閒話進入新个階段，實梗浪个音系因人而異。特徵譬如講清濁弗分、/ɦ//ʔ/落脫，音系豪𢜶往普通閒話靠近。

根据好考个资料，一般根据音韵浪个两样，拿上海闲话分成功老派、中派搭仔新派三种。

中派上海闲话

代碼	調式	單字調	二字調	三字調	四字調	五字調
1.	陰平式	53	55＋21	55＋33＋21	55＋33＋33＋21	55＋33＋33＋33＋21
5.	去声式	34	33＋44[1]	33＋55＋21	33＋55＋33＋21	33＋55＋33＋33＋21
6.		23	22＋44	22＋55＋21	22＋55＋33＋21	22＋55＋33＋33＋21
7.	陰入式	55	33＋44	33＋55＋21	33＋55＋33＋21	33＋55＋33＋33＋21
8.	陽入式	12	11＋23	11＋22＋23	11＋22＋22＋23 22＋55＋33＋21	22＋55＋33＋33＋21

在上海开埠个初期，出现着上海土音字。箇套系统是由美国传教士高第丕发明个，起头是用来到上海传教。后首有人运用渠发明个土音字，出版着土音字版个《伊娑菩个比方》。乃朝澳大利亚国家图书馆有一本收藏在许。

上海开埠仔，作为中国现代化个桥头堡，接触现代赤刮拉新个物事貤勒中国领先。埃个貤反映勒上海闲话里向。归个辰光个上海闲话吸收仔交关外国词汇，甚至形成所谓个“洋泾浜”英文。上海闲话本身貤造出交关新词新语，乃末再扩散到吴语区搭中国别𡍲场化。

老派上海闲话个人称代词是：

	第一人称	第二人称	第三人称
单数	我 /ŋu13/	侬 /noŋ13/	渠（俗作佢、伊，下同） /ɦ̥i13/
复数	伲 /ȵi13/ 我伲 /ŋu13-11 ȵi13-55/	㑚 /nɑ13/	渠拉 /ɦ̥i13-11 lɑ13-55/

中派、新派上海闲话个人称代词是：

	第一人称	第二人称	第三人称
单数	我 /ŋu23, ɦ̥u23/	侬 /noŋ23/	渠/ɦ̥i23/
复数	阿拉 /ᴀʔ5-33 lᴀ(ʔ)23-44/	㑚 /nᴀ23/	渠拉 /ɦ̥i23-22 lᴀ(ʔ)23-44/

• 第一人称复数到“阿拉”个变化明显是受宁波话个影响。
• 所有格通过拉代词或名词后添加“个” /gəʔ/ 而构成。

	近指	遠指
老派	迭 /dieʔ13/	伊 /i53/
中派、新派	嗰 /gəʔ12/	埃 /ᴇ53/

主文章：洋泾浜英文

19世纪末20世纪初个辰光，因得仔常庄搭讲外文个外国人接触，上海言话吸收仔交交关关外来词汇，通过音译、意译或者引申义咾啥形式拿伊用拉上海闲话里向。多个是英语，像“凡士林（vaseline）”、“水门汀（cement）”咾啥便勒英语翻过来个。虽则搿点外来词弗少侪已经退出伊拉个历史舞台哉，伊拉一定程度上影响或增加仔弗少上海闲话甚至普通言话里向个词，有眼甚至拨普通言话吸收哉，譬如：高尔夫（golf）、啤酒（beer）、麦克风（microphone）、时髦（smart）咾啥个。

上海闲话搭别样个汉语方言（语言）差弗多，侪处垃消亡过程里向。外来人口个涌入搭仔强行推广讲普通闲话，让上海闲话来勒上海个市中心成为次等语言。搿个情况来勒郊区还要叫严重。外来人口聚集个闵行、宝山郊区，已经形成脱大片中原官话方言岛。上海家长对于上海闲话貤呒没啥清醒认识，邪气多家长，尤其是老年人，热衷教伊拉后辈普通闲话，乃朝上海闲话来勒00后里向基本亨八冷打侪消失哉。语言发展方面，因得仔推广讲普通闲话，上海闲话造词能力已经邪气低，基本浪向侪是普通闲话借词。

2013年，上海地铁16号线搭更加新个郊区线路，还有交关公交车侪有得上海闲话报站听。

2017年，iOS 11系统里向增加仔上海闲话听写功能。

2021年，上海闲话电影《爱情神话》上映。

2022年，iOS 16系统里向增加仔上海闲话TTS（语音转文字）語音包「南南」。

2022年，动画《阳光咖啡厅之新友纪》上海闲话版垃bilibili高头开播。

2023年往後，各奇各式AI个發展迅速，電子化變得好較便當，網絡高頭貤有越來越多用上海閒話虛擬歌姬（Vocaloid）調教出个歌。^[3]

「沪语」是近来垃勒媒体里向兴趣个对上海市区话个名头。

沪语爱好者根据语言学定义，认为沪语是一种独立于中文个语言。

就赛过苏州人覺著吴语就是指苏州闲话一样，上海市民覺著沪语就是上海闲话。当然，交关多个上海人对语言问题非常重视，有老些多社会团体搭机构多趟要求政府保护沪语。所以垃拉媒体当中，对使用“沪语”一词並嘸沒啥个顾虑。

箇歇有眼外地人觉着上海人垃上海公共场合浪讲上海闲话就是弗尊重、歧视外地人，搞得唻上海人弗敢对服务行业个人讲自家母语。^[4]

• 嘉兴闲话

• 吴语协会
• 上海语言文化资源网络展示平台 档案，存勒互联网档案馆当中。（2017年2月15号）

望 论 编 吴语方言 方言區 太湖片 毗陵小片 常州話 •老郎溪話 •金沙話 •金壇話 •四甲話 •靖江話  •江阴话 蘇滬嘉小片         苏州话 •无锡话 •上海话（上海本地言话 •偒傣话） •嘉兴话 •沙地話 •太倉話 •常熟话 苕溪小片 湖州話 •長興話 •安吉話 •孝豐話 •德清話 •武康話 •余杭話 • 老廣德話 杭州小片 杭州話 臨紹小片 臨安話 •桐廬話 •富陽話 •蕭山話 •绍兴话 • 上虞话 •诸暨谈头 • 嵊州话 • 新昌话 •余姚话 甬江小片 寧波話 •象山话 金乡小片 金乡话 台州片 北台小片 天台話 •寧海話 •石浦話 • 三門話 • 仙居話 南台小片 臨海話 • 黃岩話 • 温岭话 • 大荆话 金衢片 柯兰小片 衢州话 • 金华话 • 龙游话 • 湯溪話 • 杜泽话 •蘭谿話 义永小片 東陽話 • 浦江話 • 永康话 • 义乌话 • 磐安话 •武義話 上麗片 上山小片 上饒話 • 玉山话 • 浦城話 • 江山话 丽水小片 丽水话 • 青田话 甌江片 永嘉小片 溫州話  • 永強話 •永嘉話 瑞平小片 瑞安話 •文成話 • 平陽甌語 • 蒼南甌語 樂清小片 樂成話 • 虹橋話  • 柳市話 莒江小片 莒江話 宣州片 銅涇小片 老宣州話  • 銅陵話 •涇縣話 • 繁昌話 • 蕪湖縣話 太高小片 太平話 •高淳话 • 溧水話 • 南極話 • 昌北話  • 湖陽話 石陵小片 石台話 • 陵陽話  • 厚岸話 方言島 金壇話 •金沙話 • 通東話 • 金乡话 • 蒲門话 •上饶铁路话 参见：吴语 • 徽語 • 浙江方言 • 江苏方言 • 安徽方言 • 江西方言 • 福建方言