Wikisourd
Wikisourd, c' est on pordjet d' bibioteke limerike del Soce Wikimedia (Wikimedia Fondation, inc.), k' est dné po rén, avou des ouves dizo licince libe, et ki rote avou l' tecnolodjeye wiki.
Istwere
candjîCi pordjet ci a stî metou so pîs li 24 di nôvimbe 2003. Å cmince i s' loméve « Projet Sourceberg », divant d' esse rilomé « Wikisource » (e francès et e-n inglès) li 26 di decimbe 2003. Gn a pus di 70 dizo dominnes Etrernete sorlon l' lingaedje (metant fr.wikisource.org), ey avou çoula gn a co ene pitite vintinne di ptits lingaedjes ki sont-st elodjîs sol mwaisse dominne (wikisource.org), k' on lome voltî ecubatoe , incubateu u co discloyoe [1]. Wikisourd e walon a-st askepyî divins l' ecubatoe li 3 di may 2018[2], et a stî metou so les fis sol dominme wa.wikisource.org li 15 di decimbe 2020[3].
Pîs-notes
candjî- ↑ Comint ratourner « incubator » ?, so translatewiki.net
- ↑ Djermon del mwaisse pådje di Wikisourd k' esteut divins l' ecubatoe li 3 di may 2018
- ↑ Prumire pådje eredjistreye so wa.wikisource.org li 15 di decimbe 2020, çou n' est k' on messaedje systinme avou on loyén po dner des liård al soce Wikimedia.