Franwal Haust
Li Franwal Haust, ki s' no e francès, c' est Dictionnaire français-liégeois, e racourti DFL, c' est on motî francès-walon sicrît pa Jean Haust et ses shuveus Elisée Legros, Maurice Piron et Louis Remacle.
Il est rahoukî sol limero [FE1], aprume po l' boutaedje e Wiccionaire.
Istwere
[candjî | candjî l’ côde wiki]Elisée Legros et ses aidants ont bouté bråmint tot prindant a l' evier les intrêyes do Dictionnaire liégeois. Mins il ont eto ristitchî des novelès dnêyes di des viyaedjes do Payis d' Lidje ki n' estént nén dins l' "Motî walon lidjwès". Paski, inte les deus, Djhan Haust aveut enondé ses inketes po l' A.L.W..
Li Franwal da Haust fourit eplaidî e 1948 (après l' moirt da J. Haust) dizo l' mambornance da Elisée Legros, k' a scrît tot l' adrovaedje.
Come si grand fré walon-francès, li DFL est enimådjî di 107 desséns fwaits pa Maurice Salme et Edgard Marchand, dizo l' corwaitance da Edouard Remouchamps, directeur do Musée de la Vie Wallonne.
Il a stî metou so les fis e 2016.
Kitaeyaedje do motî
[candjî | candjî l’ côde wiki]- pådje IV : Portrait da J. Haust, avou s' siné.
- pådje V : coviete divintrinne.
- pådje VII : divant-z-ouve da E. Legros.
- pådje VIII : fotocopeye del seule pådje di l' adrovaedje sicrîte al mwin da J. Haust.
- pådje IX a XXVI : adrovaedje da E. Legros.
- pådje XXVII : Djivêye des lives riwaitîs.
- pådje XXVIII : Djivêye des acourtixheures.
- pådjes 1 a 501 : motî francès-walon
- pådjes 502 a 504 : ricoridjaedjes et rawetes.
- pådjes 505 a 50510 : djivêye des imådjes do Motî da Haust et do DFL, pa sudjet.
- agritcheye al coviete do cou : mape do Payis d' Lidje.