Betråle
Li betråle u petråle, c' est ene ahivêye plante.
Sincieus no d' l' indje : Beta vulgaris.
Sôres di petråles
[candjî | candjî l’ côde wiki]Gn a des betråles å souke et des betråles po les biesses (betråles-fôraedje).
Li cene po les vatches est rodje et ronde, del cogne d' ene botaye å rvier. Li cene å souke rishonne pus a on traitoe, avou ene grande cawe, ey elle est pus blanke.
Gn a eto les rodjès betråles k' est ene verdeure po les djins.
Coûtivaedje des betråles
[candjî | candjî l’ côde wiki]Loukîz a : treråyaedje des betråles
Dinltins, on lzès seméve a royes.
On ls aclairixheut tot passant avou ene raezete, pu al mwin. C' est l' asclairixhaedje u distoclaedje u distroclaedje ou treråyaedje ou metaedje a ene.
Asteure, on lzè-s seme al machine, ki n' mete pus k' ene grinne la k' el va crexhe.
Li råyaedje si fjheut avou ene fotche a shijh dints (po n' les nén froxhî). Adon, on les cawéve avou on fiermint.
On les pleut wårder sol tchamp po l' ivier, tot fjhant des motes.
Motlî walon
[candjî | candjî l’ côde wiki]Il est diswalpé so 90 pådjes dins l' live Gaziaux so les coûteures (pp. 57-147).
