ployî

Tayon-bodje latén « plicāre » (minme sinse), vî lingaedje d’ oyi "ploier".

• AFE :
  • diferins prononçaedjes : /plɔjiː/ /plɛjiː/ /plɔji/ /plɛji/ /plɔjɛ/ /plɔje/
  • prononçaedje zero-cnoxheu : /plɔjiː/

ployî

1. (viebe å coplemint)
   1. rimete so lu-minme, bén plat (ene sitofe…).
      • Ployîz vosse tchimijhe !
   2. èn pus wårder tindou (on mimbe…).
      • Ployîz vosse bresse !
      • Ses bresses, ses djambes alént come on molinet, et s' ployive t i si screne a tot côp bon. — Joseph Vrindts, « Li pope d'Anvers » (1896), p.43 (fråze rifondowe).
2. (v. sins coplemint)
   1. èn pus dmorer droet.
      • Li pus ptite air les fjheut ployî come des fetchires — Lorint Hendschel, So l’ Anuti.
   2. (pus stroetmint) si leyî ndaler dizo on gros pwès.
      • Les plantches do gurnî ploynut, télmint k' on-z î a metou do grin.
   3. fé çou k' les mwaisses volnut.
      • I vs va faleur ployî, da, monparan.
      • I fåt sovint ployî dvant ses mwaisses — Motî d’ Cînè (fråze rifondowe).
   4. (avou « fé ») fé leyî adire.
      • Bén … i frè nén åjhey del fé ployî ! C' est ene mactêye ! Ossu tiestowe k' ene bourike ! — Paul-Henri Thomsin, ratournant "Li vî bleu 2" da François Walthéry & Raoul Cauvin, 1980 (fråze rifondowe).
3. (viebe å prono) : Loukîz a : « si ployî ».
   1. si rmete so lu-minme.
      • C' est do plastike ki n' si ploye nén.
   2. si baxhî, tot djåzant d' ene djin ou d' ene sacwè stampêye.
      • On cossén a tcheyou dsu l’ plantchî et dji m’ a ployî et stinde mi bresse po l’ ramasser — José Schoovaerts (fråze rifondowe).
      • Si taye fene, aloyante, plinne di gråce et d’ beaté,
        Merveye ki l’ mwaisse esteut seu capåbe d’ edvinter
        Si grêye k’ inte ses deus mwins on l’ ténreut apiceye
        Si ploye tot come on djonc k’ on doûs vint balance— Martin Lejeune, Bultén del Societé d' Lidje, "L’crèyåcion d’Eve", tome 43, p. 140 (fråze rifondowe).

1. ployî li djno
2. ployî bagaedje

• ployaedje, ployeu, ployeure, ployant, ploymint, ployroû, ployrete, ployoe, ployon
• riployî, riployaedje
• disployî, disployaedje
• kiployî

(minme sourdant etimolodjike)

• pleu, pleutyî, pleutiaedje

• (èn pus dmorer droet) : verdjî, flitchî

ployî omrin

1. Pårticipe erirece omrin do viebe "ployî".