Ostricourt

Ostricourt
Ostricourt in 't arroundissement Rysel
Geografie
Regio	Hauts-de-France
Departement	Noorderdepartement
Arroundissement	Rysel
Kanton	Ennelin
Coördinoatn	50°27′NB 3°01′OL
Ippervlak	7,6 km²
Inweuners
Inweuners Bevolkiengsdichtheid	5372 (2017) 707 inw./km²
Andere
Burgemêester	Bruno Rusinek
Postcode	59162
Webadres	Site van Ostricourt

Ostricourt es e gemêente in Vrankryk in't Noorderdepartement. 't Ligt in Frans-Vloandern, hil o de zuudkantn van Rysels-Vloandern. Ostricourt ligt teegn de schreve mè 't departement Nauw van Kales, wa in tydde 't schee'n wos tusschn Romoans-Vloandern en Artesië. 't Grenst an de gemêentn Wahagnies, Thumeries, Leforest, Évin-Malmaison, Dourges en Oignies.

Deur 't groundgebied van Ostricourt lôopt d'A1-ottostroade tusschn Rysel en Parys, die 'n ounderdêel es van d'E17. In Ostricourt ester ôok 'n stoasje an d'yzerboane tusschn Rysel en Parys. In tydde van de Romein'n lag de plekke an de heirboane tusschn Atrecht en Dôornik.

O de nôord- en ôostkantn van de plekke ligt et bus van Offlarde, wa in tydde dêel uutmakte van't bus van Falempin da ton nog vele grôoter wos of nu.

Ostricourt ligt in't charbonbekk'n van't Noorderdepartement. Sedert de stopzettienge van d'ountginnienge van kôoln zyn teffrente van de mynterrings oumgevormd tout groene zones. Vele van de myncitées ein ze wel g'oud'n; Verschilligte uuzetjes en and're myngebouwn zyn gerenoveerd gewist of ein en nieuwe funksje gekreegn.