Znamensk (Astrahanin agj)
Lidnanznam
|
Flag
|
| Valdkund | Venäma |
| Eläjiden lugu (2021) | 26,361 ristitud |
| Pind | 8 km² |
| |
| Pämez' | Oleg Glotov (tal'vku 2019—) |
| Telefonkod | +7−85 140-xx-xxx |
| Avtokod | 30 |
| Aigvö | UTC+4 (MSK+1) |
Sil sanal voib olda toižid znamoičendoid; miše nähta niid, tulgat tänna.
Znamensk (ven.: Зна́менск) om Venäman sauptud lidn Astrahanin agjan lodehes. Se om lidnümbrikon-ki statusanke alištamha agjan tobmudele.
Istorii
[vajehta | vajehtada lähtetekst]Eländpunktan aluz om pandud vl 1948 kuti Kapustin Jar-1-žilo — «Kapustin Jar»-poligonan personalan elämižkeskuz. Žilo sai lidnan statusad vl 1962 nügüdläiženke nimenke, Kapustin Jar-1-nimi jäi kirjeižidenvajehtusen täht. Nimitadas Znamenskaks oficialižikš vspäi 1993.
Znamensk šingotase mašiništonsauvomižen «Atlant»-tegimel.
Geografijan andmused
[vajehta | vajehtada lähtetekst]Lidn sijadase Ahtuban Podstepk-hijaman hural randal (Volgan alangišt), 3..6 m korktusil valdmeren pindan päl. Matkad Volgogradan agjhasai om viž kilometrad lodeheze, Astrahanihesai — 350 km suvipäivnouzmha avtotedme. Lähembaine lidn om Leninsk (Volgogradan agj) 45 km päivlaskmha kaikil teil. Kapustin Jar-žilo (5724 rist. vl 2010) seižub ani lidnan päivnouzmaižen röunan taga, mülüb Ahtubinskan rajonha.
Znamensk om lidnümbrikon üks'jäine eländpunkt.
Eläjad
[vajehta | vajehtada lähtetekst]Vn 2010 Venäman rahvahanlugemižen mödhe eläjiden lugu oli 27 208 ristitud. Kaikiš suremb ristitišt oli 36 700 eläjad vl 2001.
Ortodoksižen hristanuskondan ph. Aleksandr Nevalaižen jumalanpert'[1] om saudud vll 2001−2006.
Astrahanin valdkundaližen universitetan filial[2] om lidnan professionaližen opendusen aluzkundaks.
Edeline lidnümbrikon pämez' om Väčeslav Dubrovčenko (keväz'ku 2005 — tal'vku 2019).
Galerei
[vajehta | vajehtada lähtetekst]-
Atmosferine zond «Kapustin Jar»-poligonan muzejas (2011)
-
Vladimir Leninan muštnik, vn 2013 nägu
-
R-1-raketan model' muštnikaks lidnas vl 2012
-
Oficeriden kul'turkeskuz (2006)
-
Nevondkundaline znam rindhan päle
Homaičendad
[vajehta | vajehtada lähtetekst]- ↑ Znamenskan pühäpertid sobory.ru-saital. (ven.)
- ↑ Astrahanin valdkundaline universitet, Znamenskan filialan sait (znamensk.asu.edu.ru). (ven.)
Irdkosketused
[vajehta | vajehtada lähtetekst] |
Znamensk (Astrahanin agj) Vikiaitas |
| Astrahanin agjan lidnad | ||
| Ahtubinsk | Astrahan' | Harabali | Kamizäk | Narimanov | Znamensk | ||