Pecà orizenałe

Eł pecà orizenałe^[1] (in latin peccatum originale) el se ciama cosita parchè el ze cuel che ga fato Adamo e Eva al prinsipio de ł'umanità^[2].

Dio el ga creà Adamo e Eva nudi e misi intel jardin de ł'Eden o paradizo terestre. Dio el ga dà el comandamento de magnare tuti i fruti de i albari ma no cuei de l'albaro de ła conosensa del ben e del mal senò i more. El demonio, buziero, soto forma de biso el ze na visin a Eva el ghe ga dito « no dal bon, che no morì. Dio parò sa che cuando vien el dì che te ło magni, se verderà i oci e te sarè come dio, savendo el ben e el mal.» Ła dona ła ga visto che l'albaro el zera beło e ła ga ciapà on fruto e magnà, dandagheło anca a so marìo che ło ga magnà. Dopo i ga verto i oci e i se ga nacorti che i zera nudi e i se ga meso foje de figaro. Dio el ga ciamà Adamo: « Adamo, Adamo dove sito? Parchè te gheto sconto?». Adamo el ga risposto: «Me go sconto pien de vergogna, parchè go pecà contro Vu magnando el fruto che Eva me ga dà ». Dio dize a Eva « Parchè gheto fato cuesto?». Eva ła ga risposto: « Ze sta el biso e inganarme!». Dio al biso: «Te si małedio! Mi meto inamisisia intra ti e ła dona; inte ła discendensa sua. E cueło che nase da eła te schiserà ła testa (riferemento a Maria Verxene).» Dio dize a ła dona: «A aumento i to dołuri inte łe to gravidanse, col dołor te partorisi i fioi. Te sarè governà da to mario, el te dominerà.» A Adamo Dio ghe dize: «Parchè te ghe scoltà ła voze de ła to dona, e te ghe magnà el fruto che te go comandà de no magnare, małedia ła tera dal to łaoro; co fadighe te ricavarè el magnar tuti i dì de ła to vita. [...]. Co sudor de ła to muso te trovarè el pan, fin che te torni tera che te si sta tirà fora; parchè polvere te zeri e polvare te ghe da tornar.» Dopo sti fati Adamo e Eva i ze sta butà fora dal Paradizo da on Anzeło co ła spada infiamà^[3].

El pecà orizinantełe, secondo ła Cexa Catòłega, el ze de superbia e dezobediensa. El vien trasmetesto a ogni eser uman e scancełà co eł batedo, ma ghe resta ł'inclinasion al mal^[4].

1. ↑ sevente altre varianse e grafie anca pecà orixenałe
2. ↑ (IT) Don Angelo Albani - Don Massimo Astrua, La Bibbia par i ragazzi, Mimep-Docente, 2003, 12.
3. ↑ (IT) La Sacra Bibbia, Genesi 3, Salani Editore, 1991.
4. ↑ (IT) A scuola di Gesù, Centro Librario Sodalitium, 2013, 20.

• Wikimedia Commons el detien imàjini o altri file so pecato orixinałe
• Scholia el detien schemi gràfeghi so Pecà orizenałe

• (EN) original sinEnçiclopedia Britannica, Encyclopædia Britannica, Inc.
• (EN) Pecà orizenałe, in Catholic Encyclopedia, Robert Appleton Company.

• (IT) Peccato originale