Inpero Zermànego

El tèrmano Inpero todesco o Inpero zermànego (in todesco Deutsches Kaiserreich), ciamà anca Secondo Reich (Zweites Reich), el se referise normalmente a ła Zermània inte el perìodo che ła va dal conseguimento de na totałe unità nasionałe inte el 18 de zenaro del 1871 finmente a l'abdicasion del Kaiser Gulielmo II inte el 9 de novenbre del 1918, mentre pì rara ła ze ła forma Reich todesco.

Inpero Zermànego

Deutsches Reich (de)
Bandiera Stema
Ino	Heil dir im Siegerkranz (it)
Bomò	«Gott mit uns»
Pozision
52°N 13°E52°N, 13°E
Continente	Eoropa
Capitałe	Berlin
Popołasion
Totałe	41 058 792 (1871)
Densità	75,91 hab./km²
Idioma	todesco
Rełijon	protestantèzemo
Zeografia
Parte de	inperi sentrałi
Àrea	540 858 km²
Rente a	Inpero ruso   Danemarca   Paezi Basi   Belzo   Svìsara   Inpero àustro-ungàrego   Tersa Repùblega Franseza   Lusenburgo
Dati istòreghi
Desolvimento	9 de novenbre del 1918
Prima mesion documentada	Confederasion Todesca del Nord
Organizasion pułìtega
Forma de goerno	monarchìa federałe e monarchia costitusionałe
Òrgano lejislativo	Reichstag
Re in Prussia (it)	Guglielmo I di Germania (it) (1° de zenaro del 1871)
Menbro de	inperi sentrałi e dópia liansa
Economia
Moneda	Goldmark
Istòrego
← Confederasion Todesca del Nord Repùblega de Weimar (1918) →

Ponesto inte l'Eoropa sentro-setentrionałe, el nome ufisałe del Stato el zera Deutsches Reich, e sto cuà el zera restà anca inte el ndar de del perìodo de ła Repùblega de Weimar e finmente ła fin de ła seconda guera mondiałe, anca se, dopo l' Anschluss de l'Austria inte el 1938, ła Zermània nazista ła ghea ciapà, prima in magnera informałe, dopo dal 1943 in magnera ufisałe, el nome de Großdeutsches Reich (letaralmente "Reich grando-todesco"^[1], o sia "de ła Granda Zermània"^[2]; de frecuente anca rendesto in vèneto zeneregamente cofà "Grando Reich todesco"^[3]). Sta nova denomenasion ła ze sta rendesta vincołante co un decreto del ministro e cao de ła cancełària del Reich, Hans Heinrich Lammers, del 26 de zugno del 1943^[4], ma no ła ze sta mai in magnera formałe adotada par liveło de ato costitusionałe.^[5]

I todeschi, co che i se refarise al Reich del perìodo monàrchego, i dòpara tipegamente el tèrmano Kaiserreich (o sia inpero); de facto solché che co ła paroła Reich no se dezigna nisuna forma monàrchega, ma solché un Stato de na serta inportansa. De łe volte se dòpara anca l'espresion Secondo Reich, contando el Sacro Roman Inpero cofà che el fuse el Primo Reich e ła Zermània nazista cofà che ła fuse stada el Terso Reich. In vèneto e łe łéngue neolatine in zenerałe, intrà el 1871 e el 1918, el Stato el vegnea denomenà anca co ła locusion de Inpero zermànego o Inpero Ałeman.

La capitałe ła zera Berlin, ła vałuta el zera el Goldmark, l'in inperiałe Heil dir im Siegerkranz e l'ino nasionałe no ufisałe Die Wacht am Rhein. La bandiera ła zera un tricołore conponesto de tre bande orizontałi de conpagne dimension, de cołore nero, bianco e roso. La fameja inperiałe regnante ła ze sta cueła prusiana dei Hohenzollern.