Gollivud

Gollivud (inglizcha: Hollywood) – amerika kinematografiyasining markazi^[1]^[2]. Kaliforniya shtatining Los-Anjeles shahrida joylashgan. Filmlarni suratga olishni 1908-yilda boshlagan. 1913–1915-yillarda esa AQSh kino sanoati markaziga aylangan. 1920-yillardan Metro-Goldwyn-Mayer, 20th Century Fox, Paramount, Warner Bros., Columbia, RKO kinokompaniyalari faoliyat koʻrsata boshladi. Gollivudda amerika kinematografiyasining asosiy oʻziga xos tomonlari shakllandi: „kinoyulduz“ tizimini yaratish, kinodramaturgiyani standartlashtirish, filmlarni konveyer usulida ishlab chiqarish va boshqalar. Gollivudda turli davrlarda Charlie Chaplin, Erich von Stroheim, King Vidor, John Ford, William Wyler, Frank Capra kabi kino dargʻalari ishlagan. Kinokompaniyaning jaholatparastlikka berilishi, kinoprokat xarajatlarining koʻpayib ketishi, filmlarning badiiy jihatdan sayozlashuvi, televideniye hamda Nyu-Yorkda mustaqil ishlayotgan kino arboblar raqobati Gollivudni inqirozga olib keldi (ayniqsa 1950–1960-yillar). 1970-yillardan Gollivud yana oʻz qaddini tiklay boshladi. 1980-yillardan esa yana jahondagi eng yirik kino markaziga aylandi. Oʻz faoliyatini faollashtirib, qiziqarli badiiy filmlar ishladi.

„Gladiator“ (rejissyor Ridley Scott, 2000), „Kema halokatidan jabr koʻrgan“ (rejissyor Robert Zemeckis, 2000), „Ayollar nima xohlaydi“ (rejissyor Nancy Meyers, 2000), „Tigʻiz payt 2“ (rejissyor Brett Ratner, 2001), „Boshqalar“ (rejissyor Alejandro Amenábar, 2001) kabilar Gollivudning soʻnggi yillar yaratgan eng yaxshi filmlaridir. Russell Crowe, Joaquin Phoenix, Jim Carrey, Michael Douglas, Anthony Hopkins, Richard Harris, Mel Gibson, Cameron Diaz, Lucy Liu, Jackie Chan, Chris Tucker, Steven Seagal, Laura Dern va boshqalar Gollivudning eng mashhur aktyorlaridir.

Manbalar

↑ Annual Report of the Controller of the City of Los Angeles, California. Los-Anjeles, Kaliforniya (1914), 1914. Qaraldi: 2014-yil 22-fevral.
↑ Report of the Auditor of the City of Los Angeles California of the Financial Affairs of the Corporation in Its Capacity as a City for the Fiscal Year. Los-Anjeles, Kaliforniya (1913), 1913. Qaraldi: 2014-yil 22-fevral.

Adabiyotlar

Oʻzbekiston milliy ensiklopediyasi. Birinchi jild. Toshkent, 2000-yil.

Ushbu maqola chaladir. Siz uni boyitib, Vikipediyaga yordam berishingiz mumkin.
Bu andozani aniqrogʻiga almashtirish kerak.

[1] Annual Report of the Controller of the City of Los Angeles, California. Los-Anjeles, Kaliforniya (1914), 1914. Qaraldi: 2014-yil 22-fevral.

[2] Report of the Auditor of the City of Los Angeles California of the Financial Affairs of the Corporation in Its Capacity as a City for the Fiscal Year. Los-Anjeles, Kaliforniya (1913), 1913. Qaraldi: 2014-yil 22-fevral.

[1]

[2]