Miss World 1961

Miss World 1961
Petsa	9 Nobyembre 1961
Presenters	Peter West Michael Aspel
Pinagdausan	Lyceum Ballroom, Londres, Reyno Unido
Brodkaster	BBC
Lumahok	37
Placements	15
Bagong sali	Republika ng Tsina Suriname
Hindi sumali	Australya Burma Hordan Kanada Kenya Noruwega Tahiti Tanganyika
Bumalik	Austrya Bagong Silandiya Beneswela Ceylon
Nanalo	Rosemarie Frankland Reyno Unido
← 1960 1962 →

Ang Miss World 1961 ay ang ika-11 edisyon ng Miss World pageant, na ginanap sa Lyceum Ballroom sa Londres, Reyno Unido noong 9 Nobyembre 1961.

Pagkatapos ng kompetisyon, kinoronahan ng komedyanteng Ingles-Amerikano na si Bob Hope si Rosemarie Frankland ng Reyno Unido bilang Miss World 1961.^[1][2] Ito ang kauna-unahang tagumpay ng Reyno Unido sa kasaysayan ng kompetisyon. Nagtapos bilang first runner-up si Grace Li Shiu-ying ng Tsina, habang nagtapos bilang second runner-up si Carmen Cervera ng Espanya.^[3][4]

Mga kandidata mula sa tatlumpu't-pitong bansa at teritoryo ang lumahok sa kompetisyong ito. Pinangunahan ni Peter West ang kompetisyon, samantalang si Michael Aspel ang nagbigay ng komentaryo sa buong kompetisyon.

Ang mga kalahok mula sa tatlumpu't-pitong mga bansa at teritoryo ay napili upang lumahok sa kompetisyon. Dalawang kandidata ang nailuklok upang kumatawan sa kanilang mga bansa/teritoryo matapos maging runner-up sa kanilang pambansang kompetisyon, o napili sa isang casting process.

Dapat sanang kakalahok si Miss France 1961 Luce Auger upang kumatawan sa kanyang bansa. Gayunpaman, siya ay napatalsik sa kanyang titulo dahil siya ay mayroon nang isang anak.^[5][6] Si Auger ay pinalitan ng kanyang first runner-up na si Michèle Wargnier.^[7] Iniluklok ang third runner-up ng Miss Holland 1961 na si Rita van Zuiden dahil lumahok na sa ibang internasyonal na beauty pageant si Miss Holland 1961 Anne Marie Brink at ang kanyang mga runner-up na sina Gita Kamman at Stanny van Baer.^[8][9]

Lumahok sa unang pagkakataon ang mga bansang Republika ng Tsina at Suriname, at bumalik ang mga bansang Austrya, Bagong Silandiya, Beneswela, at Ceylon. Huling sumali noong 1955 ang Ceylon, noong 1956 ang Bagong Silandiya, noong 1958 ang Beneswela, at noong 1959 ang Austrya.

Hindi sumali ang mga bansang Australya, Burma, Hordan, Kanada, Kenya, Noruwega, Tahiti, at Tanganyika sa edisyong ito. Hindi sumali si Tahia Piehi ng Tahiti dahil sa hindi isiniwalat na dahilan.^[10] Hindi sumali ang mga bansang Australya, Burma, Hordan, Kanada, Kenya, Noruwega, at Tanganyika sa edisyong ito matapos na mabigo ang kanilang mga organisasyong pambansa na magdaos ng kompetisyong pambansa o magtalaga ng kalahok.

Dapat sanang sasali si Chriss Leon ng Hamayka. Nagkaroon ito ng ibigan sa isang doktor sa sasakyang-dagat na kanilang sinakyan papuntang Londres kasama ang kanyang chaperone na si Rhoda Henry. Nang umamin si Leon kay Henry na nagkaroon ito ng ibigan sa barko, nagalit ito at hindi pinayagan ni Henry na makapuntang Londres si Leon dahil pagsuway nito sa kanya. Imbis na pumuntang Londres, sila ay bumalik sa Hamayka.^[11] Pagkalipas ng isang taon, pinayagan ni Morley na sumali si Leon dahil hindi sumali ang Miss Jamaica ng taong iyon, at kalaunan ay nakapasok ito sa Top 15.^[12]

Ilang pagbabago ang inimplementa sa edisyong ito. Ang bilang ng mga semi-finalist sa edisyong ito ay ibinaba sa labinlima mula sa labinwalo ng nakaraang edisyon. Napili ang labinlimang semi-finalist sa pamamagitan ng paunang kompetisyon na ginanap sa araw ng pinal na kompetisyon na binubuo ng swimsuit at evening gown competition. Nakipanayam kay Peter West ang labinlimang semi-finalist, at kalaunan ay napili ang pitong pinalista na sumabak sa final interview.^[14]

• Denis Anthony Brian Butler – Ikasiyam na Erl ng Lanesborough^[15]
• Norman Hartnell – Tagadisenyong Ingles para kay Reyna Elizabeth II^[15]
• La Countess Ethel Beatty – Miyembro ng aristokrasyang Ingles^[15]
• Bob Hope – Aktor at komedyanteng Ingles-Amerikano^[16]
• Frances Manners – Dukesa ng Rutland^[15]
• Bernard Delfont – Ingles na impresario^[15]
• Billy Butlin – Negosyanteng Ingles
• Richard Todd – Ingles-Irlandes na aktor^[15]
• John Spencer-Churchill – Ika-11 Duke ng Marlborough at pamangkin ni Winston Churchill^[15]

Tatlumpu't-pitong kandidata ang lumahok para sa titulo.^[17][18]

Bansa/Teritoryo	Kandidata	Edad[a]	Bayan
Alemanya	Romy März[19]	20	Munich
Arhentina	Susana Pardal	22	Buenos Aires
Austrya	Hella Wolfsgrubej	18	Salzburg
Bagong Silandiya	Leone Mary Main	20	Auckland
Belhika	Jacqueline Oroi[20]	20	Bruselas
Beneswela	Bexy Romero	18	Caracas
Brasil	Alda Coutinho[21]	23	Guanabara
Bulibya	Nancy Justiniano	19	Santa Cruz
Ceylon	Sushila Perera[22]	19	Colombo
Dinamarka	Inge Jörgensen	19	Odense
Ekwador	Magdalena Dávila[23]	–	Pichincha
Espanya	Carmen Cervera[24]	18	Barcelona
Estados Unidos	Jo Ann Odum[25]	19	Huntington
Gresya	Efstathia Karaiskaki[26]	22	Atenas
Hapon	Chie Murakami[27]	19	Osaka
Indiya	Veronica Torcato[28]	25	Maharashtra
Irlanda	Olive White[29]	17	Dublin
Israel	Er'ela Hod	18	–
Italya	Franca Cattaneo[30]	20	Genova
Líbano	Leila Antaki	22	Beirut
Luksemburgo	Vicky Schoos	18	Lungsod ng Luksemburgo
Lupangyelo	Jóhanna Kolbrún Kristjánsdóttir	–	Reikiavik
Madagaskar	Jeanne Rakatomahanina	20	Diego-Suárez
Nikaragwa	Thelma Arana	22	Granada
Olanda	Ria van Zuiden[31]	21	–
Pinlandiya	Ritva Wächter[32]	20	Helsinki
Pransiya	Michèle Wargnier[33]	19	Paris
Republika ng Tsina	Grace Li[34]	19	Taipei
Reyno Unido	Rosemarie Frankland[35]	18	Lancashire
Rhodesia at Nyasaland	Angela Moorcroft	19	Salisbury
Suriname	Kitty Essed[36]	18	Paramaribo
Suwesya	Ingrid Lundquist	21	–
Timog Aprika	Yvonne Hulley	19	Overberg
Timog Korea	Hyun Chang-ae[37]	19	Seoul
Tsipre	Andreava Polydorou	21	–
Turkiya	Güler Samuray	20	Istanbul
Urugway	Roma Spadaccini Aguerre	25	Montevideo

• Opisyal na website