Miss World 1964

Miss World 1964
Ann Sidney
Petsa	12 Nobyembre 1964
Presenters	Michael Aspel
Pinagdausan	Lyceum Ballroom, Londres, Reyno Unido
Brodkaster	BBC
Lumahok	42
Placements	16
Bagong sali	Aruba Montserrat
Hindi sumali	Bulibya Hordan Israel Malaysia Mehiko Niherya Peru Tsile Tsipre
Bumalik	Ekwador Hibraltar Honduras Italya Libano Moroko Nikaragwa Republika ng Tsina Urugway
Nanalo	Ann Sidney Reyno Unido
← 1963 1965 →

Ang Miss World 1964 ay ang ika-14 na edisyon ng Miss World pageant na ginanap sa Lyceum Ballroom sa Londres, Reyno Unido noong 12 Nobyembre 1964.

Pagkatapos ng kompetisyon, kinoronahan ni Carole Joan Crawford ng Hamayka si Ann Sidney ng Reyno Unido bilang Miss World 1964.^[1] Ito ang pangalawang tagumpay ng Reyno Unido sa kasaysayan ng kompetisyon. Nagtapos bilang first runner-up si Ana María Soria ng Arhentina, habang nagtapos bilang second runner-up si Linda Lin ng Republika ng Tsina.^[2][3]

Mga kandidata mula sa apatnampu't-dalawang bansa at teritoryo ang lumahok sa kompetisyong ito. Pinangunahan ni Michael Aspel ang kompetisyon.

Ang mga kalahok mula sa apatnampu't-dalawang mga bansa at teritoryo ay napili upang lumahok sa kompetisyon. Tatlong kandidata ang nailuklok upang kumatawan sa kanilang mga bansa/teritoryo matapos maging runner-up sa kanilang pambansang kompetisyon, o napili sa isang casting process.

Iniluklok ang first runner-up ng Miss Jamaica 1964 na si Erica Cooke upang kumatawan sa kanyang bansa matapos hindi tanggapin ang hiling ng orihinal na nagwagi na si Mitsy Constantine na siya ay samahan ng kanyang ina sa kompetisyon.^[4][5] Ito ay matapos na magbago ang patakaran sa kompetisyon kung saan ipinagbabawal na ang mga kandidata na samahan ng kanilang ina matapos sumama ang ina ni Miss World 1963 Carole Joan Crawford sa kanya habang siya ay nanunungkulan bilang Miss World.^[6][7][8][9] Iniluklok si Jacqueline Gayraud bilang ang bagong Miss France 1964 na siyang kakatawan sa Miss World matapos tumangging lumibot sa buong Pransiya si Arlette Collot, ang orihinal na nagwagi.^[10] Dapat sanang lalahok si Miss Turkey 1964 Ayten Ornek. Gayunpaman, inakusahan ng second runner-up na si Nurlan Coşkun ang mga organizer na sinabihan siya na siya ang mananalo. Upang masolusyonan ang kaganapang ito, ipinadala si Ornek sa Miss International,^[11] at si Coşkun ay ipinadala sa Miss World.

Lumahok sa unang pagkakataon ang mga teritoryong Aruba at Montserrat. Bumalik sa edisyong ito ang mga bansang Moroko na huling sumali noong 1958, Hibraltar at Honduras na huling sumali noong 1959, Libano na huling sumali noong 1961, at Ekwador, Italya, Republika ng Tsina, at Urugway na huling sumali noong 1962.

Hindi sumali sa edisyong ito ang mga bansang Bulibya, Hordan, Israel, Malaysia, Mehiko, Niherya, Peru, Tsile, at Tsipre. Hindi sumali si Sonia Marino Cárdenas ng Bulibya dahil mas pinili nitong ipagpatuloy ang kanyang pag-aaral.^[12] Hindi sumali si Ofira Margalit ng Israel dahil sa kanyang konskripsiyon.^[13][14] Hindi sumali sina Katie Barnaba Faizah ng Hordan, Leonie Foo Saw Pheng ng Malaysia, Olga Ceniceros ng Mehiko, at Nora Pallarés ng Tsile dahil sa hindi isiniwalat na dahilan. Hindi sumali si Martha Bassey ng Niherya dahil sa kakulangan sa badyet. Hindi sumali ang mga bansang Peru at Tsipre matapos na mabigo ang kanilang organisasyong pambansa na magdaos ng kompetisyong pambansa o magtalaga ng kalahok.

Dapat din sanang sasali sa edisyong ito sina Marvo Manning ng Barbados, Alice Weber ng Curaçao,^[15] Henrietta Monteiro ng Sambia,^[16] Lea Avaemai Vahine ng Tahiti, ngunit hindi rin sila nagpatuloy dahil sa mga hindi isiniwalat na dahilan.

Tulad noong 1961, labinlimang semi-finalist ang napili sa pamamagitan ng paunang kompetisyon na ginanap sa araw ng pinal na kompetisyon na binubuo ng swimsuit at evening gown competition.^[18] Gayunpaman, dahil dalawang kandidata ang nagkaroon ng kaparehong iskor para sa ikalabinlimang posisyon, napagdesisyunan ni Morley na isama ang dalawa at gawing labing-anim mga semi-finalist na tutuloy sa kompetisyon. Lumahok sa swimsuit competition at evening gown competition ang mga labing-anim na semi-finalist, at kalaunan ay napili ang pitong pinalista na sumabak sa final interview.

• Paul Anka – Kanadyanong mang-aawit
• Billy Butlin – Negosyanteng Ingles^[18]
• John Cavanagh – Irlandes na taga-disenyo
• Bernard Delfont – Ingles na theatrical entrepreneur
• Tab Hunter – Amerikanong aktor^[18]
• Lady Sonia Elizabeth Melchett
• Vidal Sassoon, CBE – Mangugulot at negosyanteng Ingles
• Nicolette Elaine Katherine Vane-Tempest-Stewart – Marchioness ng Londonderry
• Godfrey Herbert Winn – Ingles na mamamahayag^[18]

Apatnampu't-dalawang kandidata ang lumahok para sa titulo.^[18]

Bansa/Teritoryo	Kandidata	Edad[a]	Bayan
Alemanya	Juliane Herm[19]	19	Stuttgart
Arhentina	Ana María Soria[20]	23	Buenos Aires
Aruba	Regina Croes[21]	21	Oranjestad
Austrya	Victoria Lazek	20	Viena
Belhika	Danièle Defrere[22]	20	Bruselas
Beneswela	Mercedes Hernández	19	Caracas
Brasil	Maria Isabel Avelar[23]	18	Aracaju
Ceylon	Marina Dellerene Swan	18	Colombo
Dinamarka	Yvonne Mortensen	19	Copenhuague
Ekwador	María de Lourdes Anda	19	Guayaquil
Espanya	María José Ulla[24]	19	La Coruna
Estados Unidos	Jeanne Marie Quinn[25]	20	East Meadow
Gresya	Mary Kouyoumitzou	18	Heraklion
Hamayka	Erica Cooke[26]	17	Kingston
Hapon	Yoshiko Nakatani	24	Ibaraki
Hibraltar	Lydia Davis	19	Hibraltar
Honduras	Araceli Cano	23	Francisco Morazán
Irlanda	Mairen Cullen	20	Dublin
Italya	Mirka Sartori[27]	20	Veneto
Kanada	Mary Lou Farrell[28]	21	Newfoundland
Kolombya	Paulina Vargas[29]	–	Huila
Líbano	Nana Barakat	–	Beirut
Liberya	Norma Dorothy Davis	19	Monrovia
Luksemburgo	Gabrielle Heyrard	17	Lungsod ng Luksemburgo
Lupangyelo	Rósa Einarsdóttir[30]	19	Reikiavik
Montserrat	Helen Joseph[31]	22	Plymouth
Moroko	Leila Gourmala[32]	21	Rabat
Nikaragwa	Sandra Correa	–	Masaya
Nuweba Selandiya	Lyndal Cruikshank[33]	21	Invercargill
Olanda	Renske van der Berg[34]	19	Ang Haya
Pinlandiya	Maila Östring[35]	19	–
Portugal	Rolanda Campos	24	Lisboa
Pransiya	Jacqueline Gayraud[36]	18	Paris
Republika ng Tsina	Linda Lin[37]	22	Taichung
Reyno Unido	Ann Sidney[38]	20	Parkstone
Suriname	Norma Dorothy Tin Chen Fung[39]	18	Paramaribo
Suwesya	Agneta Malmgren	19	–
Timog Aprika	Vedra Karamitas[40]	22	Transvaal
Timog Korea	Yoon Mi-hee	23	Seoul
Tunisya	Dolly Allouche	18	Tunis
Turkiya	Nurlan Coşkun[41]	18	Istanbul
Urugway	Alicia Elena Gómez	–	Montevideo

• Opisyal na website