Makinang panahi

Ang makinang panahi ay isang kagamitang pambahay o pampagawaan^[1] na pantahi ng mga damit, sapatos, o ibang pinaggagamitan ng kayò (tela) at sinulid katulad ng sapin ng unan at higaan.

Ang pananahing may kawingan sa kabitan (tinatawag na edging o overlocking sa Ingles) ay ginagamitan ng dalawa hanggang apat na sinulid, isa o dalawang karayom, at isa o dalawang pang-ikot ng sinulid (looper). Ang mga panahi sa kabitan ay madalas may panabas ng kabitan ng kayò o tela upang maipantay ang kabitan sa bawa't tahi.

Isang paraan sa pagpapatibay ng tahi sa kabitan, o safety stitch, ay ang tumahi muna ng panugtungan, o chain stitch, gamit ang isang karayom at pang-ikot ng sinulid, o looper, at saka gawin ang tahi sa kabitan gamit ang mga iba pang karayom at looper. Limang sinulid o higit pa ang ginagamit dito. Ganito rin ang gamit na pangkabit sa mabanat na kayò o tela.

Dalawa hanggang apat na sinulid ang pinakamadalas na bilang na ginagamit sa panahi sa kabitan. Madalas na ang pagsasaayos ng panahi ay nababago ayon sa iba't-ibang pagtahi sa kabitan.

1. Spool pin - lagayan ng karete ng sinulid na pang-itaas.
2. Presser foot - umiipit sa tela habang tinatahi.
3. Tension regulator - bahaging nagpapaluwag o nagpapahigpit ng tahi.
4. Thread guide - gabay sa sinulid mula sa spool pin hanggang sa karayom upang hindi mawala sa lugar.
5. Thread take up lever - humihila sa sinulid na panahi sa tela.
6. Needle clamp - humahawak sa karayom ng makina.
7. Presser bar lifter - nagbaba o nagtataas ng presser foot.
8. Feed dog - bahaging nasa ilalim ng presser foot na nagtutulak sa tela habang ito ay nagtatahi.
9. Bobina o bobbin - lagayan ng pang-ilalim na sinulid.
10. Bobbin case - kaha na lalagyan ng bobina.
11. Balance wheel - gulong sa ibabaw na hinahawakan ung sisimulan ang pagpapaandar o ihihinto ang pananahi.
12. Stop motion screw - ang malaking turnilyio na nakakabit sa balance wheel na siyang nagpapahinto.
13. Bobbin winder - kidkiran ng sinulid sa bobina.
14. Stitch regulator - bahaging nagpapaikli o nagpapahaba sa tahi.
15. Belt - koriyang nag-uugnay sa balance wheel at drive wheel.
16. Drive wheel - malaking gulong na pang-ilalim.
17. Treadle - tapakan na nagpapaandar sa malaking gulong habang nananahi.
18. Belt guide - pumapatnubay sa koriya upang hindi ito mawala sa lugar.

Ang lathalaing ito ay isang usbong. Makatutulong ka sa Wikipedia sa pagpapalawig nito.