Erich Ludendorff

Erich Friedrich Wilhelm Ludendorff
Abril 9, 1865–Disyembre 20, 1937
Pook ng kapanganakan	Kruszewnia malapit sa Posen, Lalawigan ng Posen
Pook ng kamatayan	Tutzing, Bavaria
Pinapanigan	Imperyong Aleman
Palingkuran/sangay	Hukbong-katihan
Taon ng paglilingkod	1883-1918
Hanay	Generalquartiermeister
Labanan/digmaan	Ika-1 Digmaang Pandaigdig
Gantimpala	Pour le Mérite ("para sa kahalagahan"), Krus na Bakal Unang Klase

Si Erich Friedrich Wilhelm Ludendorff^[1] (minsan din nasusulat ng may von, bagaman hindi tama, katulad ng von Ludendorff) (Abril 9, 1865 – Disyembre 20, 1937) ay isang Alemang opisyal - isang Generalquartiermeister [ sa Aleman ] o Quartermaster general [ sa Ingles ], isang kasaping-opisyal na namamahala sa mga probisyon ng hukbong katihan - noong Unang Digmaang Pandaigdig, na nagwagi sa Digmaan ng Liège, at, kasama si Paul von Hindenburg, naging isa mga nagtagumpay sa Digmaan ng Tannenberg (1914). Makaraan ang digmaan, panandalian niyang tinangkilik si Adolf Hitler at ang Partidong Nazi. Napawalang-sala siya sa mga kriminal na paratang dahil sa gampanin niya sa di-matagumpay na Beer Hall Putsch (o Munich Putsch, isang bigong coup d'etat) ng mga Nazi noong 1923. Naging disilusyonado siya sa larangan ng politiko at nagretiro mula sa buhay-publiko noon ding taong iyon.

Isinilang siya sa Kruszewnia (binabaybay ding Kruszewina), Poland.^[1]

Bilang heneral at istratehista (tagaplanong militar) ng Alemanya, tumulong si Ludendorff sa pagwawagi laban sa mga Ruso noong Unang Digmaang Pandaigdig and nagiisang sanhi ng pagtatagumpay ng Alemanya laban sa Rumania at Italya noong 1917. Nilisan niya ang Alemanya patungong Sweden makalipas ang pagkalupig ng mga Aleman subalit muling nagbalik sa Alemanya noong 1919 at nakiisa sa Kapp Putsch noong 1920 at sa Beer Hall Putsch ni Hitler noong 1923.^[1]

Bilang kasapi ng Reichstag mula 1924 hanggang 1928, sumulat siya ng mga anti-Semitiko, anti-Katoliko, at anti-Masonikong mga sulatin.^[1]