All TV

Kailangang isapanahon ang artikulong ito. Pakitulungang isapanahon ang article na ito upang sumalamin ang kamakailang mga kaganapan o bagong impormasyon na mayroon na. (Mayo 2023)

Ang All TV (na isinaysay bilang ALLTV) ay isang Philippine free-to-air broadcast television network na nagsisilbing flagship property ng Advanced Media Broadcasting System (AMBS) katuwang ang ABS-CBN Corporation bilang pangunahing content provider nito sa pamamagitan ng blocktime agreement. Ang mga broadcast facility at studio nito na matatagpuan sa Mandaluyong at Las Piñas; at ang transmitter nito ay matatagpuan sa Millennium Transmitter, Lungsod Quezon, Kalakhang Maynila, Pilipinas.^[1]

Noong 2019, pinagkalooban ang AMBS ng panibagong prangkisa sa ilalim ng Batas Republika 11253 kahit ito ay walang pirma ni Pangulong Rodrigo Roa Duterte dahil ang panukalang batas ay naging batas matapos ang 30 araw na hindi inaaksyunan.^[2][3] Gayunpaman, nagpasya ang pamilya Vera at ang dating pangulo ng AMBS na si Andrew Santiago na ibenta ang kumpanya sa Planet Cable na pagmamay-ari ng negosyante at dating Senador na si Manny Villar dahil sa epekto ng pandemya ng COVID-19 sa kumpanya at sa himpilan nito sa FM (K-Lite).^[4][5]

Noong Enero 5, 2022, iginawad ng National Telecommunications Commission (NTC) sa AMBS ng pansamantalang awtoridad upang patakbuhin ang prikwensiya na digital Channel 16 (dating nakatalaga sa ABS-CBN Corporation) sa loob ng 18 buwan; kabilang ang prikwensiya ng analogong tsanel 2 sa ilalim ng pansamantalang pagtatalaga para sa layunin ng simulcast hanggang sa pagsasara ng analogong pantelebisyon sa 2023.^[6][7]

Noong Hunyo 2022, nagsimulang magkaroon ng test broadcast ang AMBS Manila.^[8] Sa mga naunang pahayag ng himpilan, nakatakda sanang magsimula sa himpapawid ang istasyon sa Oktubre 1, 2022,^[9] ang himpilan ay magkakaroon ng bahagyang paglulunsad sa Setyembre 13, 2022 sa ganap na ika-12 ng tanghali, naka-plano na rin ang pagpapalawak sa naaabot ng himpilan sa buong bansa, ayon sa anunsyo ni Willie Revillame; ang pormal na paglulunsad ng himpilan ay gaganapin bago matapos ang taong 2022 o sa unang bahagi ng 2023. Noong Hulyo 15, 2022, inihayag ni Revillame sa kanyang pagpirma ng kontrata sa himpilan na magbabalik ang Wowowin sa AMBS, matapos ang huling pag-ere nito sa GMA Network noong Pebrero 11, 2022.^[10] Matapos ang ilang linggo, pumirma rin ng kontrata sa AMBS ang aktres at TV host na si Toni Gonzaga, ang kaniyang kabiyak at direktor na si Paul Soriano, kabilang sa iba pang personalidad na pumirma ay ang mamamahayag na si Anthony Taberna, dating TV host na si Mariel-Rodriguez Padilla at kilalang mang-aawit at aktres na si Ciara Sotto.^{[11][12] [13]}

Talakayan

• Toni Talks (2022)

Variety shows

• InstaJam (2022)
• Wowowin (2022)

Musika

• K-Lite TV-Radio (2022)

Drama

• Doble Kara (2015; re-run, 2022)
• Ngayon at Kailanman (2018; re-run, 2022)

Balita

• News Night (2022; simulcast from CNN Philippines) ^[14]

mga Asian drama

• River Where the Moon Rises (September 17, 2022)
• Again My Life (2022)
• If You Wish Upon Me (2022)

UHF Channel 16 (485.143 MHz)

• Metro Manila
• Cavite
• Bulacan
• Bahagi ng Laguna
• Bahagi ni Rizal

• Bahagi ng Pampanga
• Bahagi ng Nueva Ecija