tanfler

Tayon-bodje tîxhon « dampfen » ; mot cité dins l’ FEW 15/2 53a.

• AFE :
  • diferins prononçaedjes : /tɑ̃.fle/ /tɑ̃.flɛ/
  • prononçaedje zero-cnoxheu : /tɑ̃.fle/
• Ricepeures : tanf·ler

tanfler (v. sins coplemint) (1^ire troke) (codjowaedje)

1. shofler, respirer a grands côps, målåjheymint.
   • On bea djoû a l’ anuti, vo l’ la ki rmousse el måjhon come on fonnet, mitan wîclant, mitan tanflant, mitan tchoûlant : « M…m…momo…moman, moman ! li Pé… li Pépé… li Pépé Crotchet ! » — Lucyin Mahin.
2. shofler po si rpoizer.
   • Adon, tot seus, les djaeyîs, påjhûles, vont polou tanfler. — Paula Lassence (fråze rifondowe).
3. (imådjreçmint) shofler, tot cåzant d’ èn instrumint d’ muzike.
   • På aléve fé zinziner si violon et Djan-Mi aléve fé tanfler et poûfurner si ptit årmonica, rabistoké et poûssif. — Émile Pècheur (fråze rifondowe).
4. aler målåjheymint, tot cåzant d’ ene machine.
   • Rén k’ e schoûtant shofler et tanfler l’ machine, on sinteut ki l’ machinisse, li ptit Luther, aveut pår cårculé s’ côp tot djouwant avou ses manetes et ses xhuflots. — Paul Rousselle (fråze rifondowe).
   • Pont d’ brut, a pårt on trin ki tanfléve dins l’ trawêye di Mirwå po monter so Libråmont. — Georges Pècheur (fråze rifondowe).

• tanfla
• tanflaedje

• (shofler po si rpoizer) rishofler
• (aler målåjheymint, tot cåzant d’ ene machine) teguer

• haner
• puper