Тәүбә

Тәүбә (гарәп. توبة‎) - ул тугызынчы сүрә, Аллаһтан курку сәбәпле, гөнаһны калдыру, аны кылганга үкенү һәм аңа бүтән кайтмаска ният итүне аңлатучы ислам термины. Ул теләсә-нинди гөнаһның кичерелүенең һәм аларның савабка әйләнүенең сәбәбе булып тора. Мөхәммәд галәйһиссәләм әйткән: "Гөнаһтан тәүбә итүче кеше гөнаһны эшләмәгән кеше сыман"^[1].Тәүбә - гыйбадәтнең бер төре.

Ибн Тәймия әйтүенчә, тәүбә ике төрле була: таләп ителә торган һәм мәҗбүри булмаган. Беренчесе Аллаһ кушкан һәм тыйганнарын үтәмәүдән булса, икенчесе - сөннәт гамәлләрне үтәмәүдән һәм мәкрухтан тыелмаудан.

Тәүбә кабул ителсен өчен түбәндәге шартлар бар:

• Гөнаһ кылудан туктау
• Гөнаһ эшләгәнгә чын күңелдән үкенү
• Аллаһтан гафу үтенү
• Бүтән гөнаһка кайтмаска ныклы ният

Әгәр дә эшләнгән гөнаһ ничек тә булса башка кеше хокукларын бозса, саналган шартларга тагын берсе өстәлә:

• Гаделсезлеккә дучар булган кеше алдында гаепне төзәтү.

Тәүбә ике вакыйгадан соң кабул ителми:

• Гаргарә (үлем алды хырылдавы) башлангач
• Кояш көнбатыштан чыккач (Кыямәт көне алдыннан булачак вакыйга).

• Тәүбә намазы
• Әт-Тәүбә сүрәсе

• soliha.com сайты (рус.)
• Камәл Зант сайты
• Тыңла «Тәүбә» сүрәсен wav форматында 2015 елның 20 июнь көнендә архивланган.