هرات

د هرات انځور
هيواد	افغانستان (۱۹ اگسټ ۱۹۱۹–) تيموري سترواکي (۱۳۷۰–۱۵۲۶)  [۱]
پلازمینه د	هرات ولايت تيموري سترواکي د کرتیانو لړۍ هرات (۱۷۹۳-۱۸۶۳ ز کال)
کورډېناټونه: ۳۴°۲۰′۳۱″شمال ۶۲°۱۲′۱۱″ختیځ / 34.341944°شمال 62.203056°ختيځ / 34.341944; 62.203056
سيمه	هرات ولسوالۍ
جغرافیائی ځانګړتیاوې
ساحه	143 کیلومتره مربع
لوړوالي	920 متر
نفوس
ټول نفوس	556205 (۱ جنوري ۲۰۲۰)
خورلڼې ښارونه	کاونسل بلوفس (۲۰۱۶–)[۲]
ټليفون کوډ	40
جیو کوډ	1140026[۳]
سمول

هرات د افغانستان درېم لوی ښار دی چي د افغانستان په لویدیځ کي د هري سیند په حاصلخیزه سیمه کې موقعیت لري. په ۲۰۲۰ ز کال کي ددې ولایت د وګړو شمېر ۵۷۴۰۰۰ او ۲۷۶ تنه اټکل سوی دی. هرات د منځني ختیځ، مرکزي او سویلي آسیا ترمنځ د ورېښمو د لاري له تمله ډېر لرغونی بلل سوی دی، چي د هېواد په لویدیځ کي د سیمه ییز مرکز په توګه عمل کوي.^{[۴][۵][۶][۷]}

د هرات لرغونتیا د اوستا مهال ته رسېږي. دغه ښار ډېر تاریخي ځایونه لري چي پکښي د هرات ارګ او د مصلی ټولګه (چي د ګوهرشاد بېګم له خوا جوړه سوې) راځي. د منځنیو پېړیو پر مهال هرات د خراسان یو له مهمو ښارونو څخه وو، او په پخواني افغانستان کي د خراسان د مروارید په نوم پېژندل کېده. د ګوډ تیمور له خوا د دغه ښار له فتح کولو وروسته، هرات ښار د اسلامي نړۍ د فکري او هنري ژوند په مهم مرکز واوښت. ورپسۍ د شاهرخ میرزا تر واکمنۍ لاندي هرات د تیموریانو د رنسانس د محراق ټکي په توګه رول ولوباوه چې د ایتالوي رنسانس د کلتوري بیازېږون له مرکز فلورانس سره یې دبدبه یو شان وه. د تیموري سترواکۍ له ړنګېدو وروسته، هرات د اتلسمې پېړۍ له لومړیو نه د ګڼ شمېر افغان واکمنانو له خوا اداره کېده. په ۱۷۱۶ ز کال کي د هرات مېشتو ابدالي افغانانو د ازادۍ بیرغ پورته کړ او په ښار کي یې د هرات د سدوزايي سلطنت په نوم خپله واکمني جوړه کړه، خو په ۱۷۳۲ ز کال کې د افشاریانو له خوا دغه ښار بیرته ونیول سو. د نادرافشار له مړینې وروسته احمدشاه درانی په ۱۷۴۷ ز کال کي واک ته ورسېد او هرات په رسمي توګه د افغانستان برخه وګرځېد. د نولسمې پېړۍ په لومړۍ نیمايي کې دغه ښار د یوه خپلواک ښاري دولت په توګه راڅرګند سو او تر ۱۸۶۳ ز کال پوري د ایراني یرغلګرو له یو شمېر بریدونو سره مخامخ سو. له هرات نه ایران (د اسلام قلا بندر له لارې) او ترکمنستان ته (د تورغونډۍ بندري ښار له لارې) سړکونه اوس هم له ستراتیژیک پلوه مهم دي. افغانستان له دغه ښار نه ایران ته د یوې لاري په توګه په لوړه کچه ګمرکي عواید لري. دغه ښار نړیوال هوايي ډګر هم لري. د ۲۰۰۱ ز کال له جګړې وروسته هرات د طالب جنګیالیو له لاسه ووت. په ۲۰۲۱ ز کال کي اعلان وسو چي دغه ښار به د یونسکو د نړیوالو میراثونو په نوملړ کي ځای پیدا کړي. د ۲۰۲۱ ز کال د اګست په ۱۲ مه باندي هرات د طالب جنګیالیو د اوړي موسم د عملیاتو په ترڅ کي د نوی سرپرست حکومت (اسلامي امارت) لاس ته ولوېدی .^{[۸][۹][۱۰][۱۱][۱۲][۱۳][۱۴][۱۵][۱۶][۱۷]}

هرات یخ او نیمه وچ اقلیم لري (د کوپین د اقلیمي طبقه بندۍ له مخې BSk) اورښت په کې ډېر کم دی او ډېری اورښت په کې د ژمي په موسم کې وي. په داسې حال کې چې هرات نږدې ۲۴۰ متره (۷۹۰ فوټه) له کندهار ښارنه لاندې دی، په اوړي کې یې هوا معتدله ده او په ټول کال کې یې د هوا حالات د خوښې وړ دي، خو په ژمي کې یې د تودوخې درجه لږ کمه وي. له مۍ نه تر سپتمبر پورې له شمال لویدیځ لوري نه په کې چټک باد لګېږي. ژمی یې نسبتا معتدل دی؛ واوره چې څنګه اورېږي، ویلي کېږي او ان په غرونو کې هم نه پاتې کېږي. له څلورو کلونو نه په درېو کې یې وګړي نه شي کولای، ځانته یخ زېرمه کړي، خو د هري سیند په ختیځو څنډو کې په ژمي کې ان په هغو ځایونو کې چې اوبه چټکې ځي، اوبه یخ وهي او خلک یې له پاسه د سړک پر څېر ګرځي.

• طاهر ابن حسین، په ۹ مه پېړۍ کې د عباسي خلافت د پوځ جنرال او د طاهریانو د لړۍ بنسټ اېښودونکی و.
• غیاث الدین محمد بن سام، له ۱۱۶۳ ز کال نه تر ۱۲۰۲ ز کال پورې د غوري لړۍ سترواک واکمن و چې د واکمنۍ پر مهال یې غوري لړۍ په نړیوال ځواک واوښته او واک یې له ګرګان نه تر بنګال پراختیا ومونده.
• شاهرخ میرزا بن تیمور برلاس، د هرات د تیموریانو د لړۍ سترواک.
• ابو سعید میرزا، د ۱۵ مې پېړۍ په نیمايي کې د تیموریانو د سترواکۍ واکمن.
• میرزا حسین بایقرا، د هرات د تیموري لړۍ سترواک.
• ستر شاه عباس، د پارسي صفویانو سترواک.
• احمد شاه درانی، د دراني سترواکۍ بنسټ اېښودونکی.
• امیر دوست محمد خان، د بارکزي لړۍ بنسټ اېښودونکی، چې په همدغه ښار کې خښ دی.
• سلطان جان، په ۱۹ مه پېړۍ کي د هرات واکمن.

• عسجدي، له ۱۰ مې نه تر ۱۱ مې پېړۍ پورې د غزنوي شاهي دربار شاعر و.
• خواجه عبدالله هروی انصاري، د ۱۱ مې پېړۍ د فارسي ژبې شاعر و.
• پور بهای جامي، د ۱۳ مې پېړۍ فارسي ژبی شاعر، طنز لیکونکی، تند خویه ټولنیز مبصر و، چې په جام کې زېږېدلی و او ځواني یې ټوله په هرات کې تېره کړې وه.
• نورالدین جامي، د ۱۵ مې پېړۍ مشهور شاعر و.
• نظام الدین علي شیر هروي/نوايي، د تیموریانو د دورې نامتو شاعر او عالم و.
• مولانا عبدالله هاتفي، په ۱۶ مه پېړۍ کې د فارسي ژبې شاعر او د نورالدین جامي وراره و.

• ابو منصور موفق هروي، د لسمې پېړۍ مشهور طبیب و.
• ابوالفضل هروي، د ۱۰ مې پېړۍ پیاوړی ستور پیژندونکی و.
• احمد ابن فروخ، د ۱۲ مې پېړۍ پر مهال مشهور طبیب و.
• تفتازاني، د ۱۴ مې پېړۍ مشهور مسلمان علامه و.
• محمد ابن یوسف الهروي، د ۱۵ پېړۍ طبیب و.
• نعمت الله الهروي، په مغولي دربار کې د ۱۷ مې پېړۍ تاریخ لیکونکی و.

• فخرالدین راضي، د ۱۲ مې پېړۍ علامه او د اسلامي علومو عالم و.
• حسین کاشفی، د ۱۵ مې پېړۍ نثر لیکونکی، د اسلامي علومو عالم و.
• علي الهروي القاري، په ۱۷ مه پېړۍ کې د حدیثو او فقې یو له لویو پوهانو نه و.

• علي بن ابي بکر الهروي، په ۱۲ مه او ۱۳ مه پېړۍ کې فارسي ګرځندوی و  او په اسلامي نړۍ کې د ګرافیک د لومړي هنرمند په توګه پېژندل کېږي چې په اصل کې د هرات ولایت دی.
• استاد کمال الدین بهزاد، د منځنیو پېړیو تر ټولو مشهور انځورګر و.^[۱۸]
• میر علي هروي، د شپاړسمې پېړۍ تکړه خطاط او د نستعلیق خطاطۍ ښوونکی و.

• ګوهر شاد بېګم، د شاهرخ میرزا مېرمن.

د هرات نړیوال هوايي ډګر په ۱۹۶۰ مه لسیزه کې د امریکايي انجینرانو په واسطه جوړ شو، چې په ۱۹۸۰ مه ز لسیزه کې د افغان ـ شوروي جګړې پر مهال د شوروي د وسله والو ځواکونو له خوا وکارول شو. په ۲۰۰۱ ز کال کې د آزادۍ د عملیاتو پر مهال دغه هوايي ډګر بمبارد شو، خو په راتلونکې لسیزه کې بېرته ورغول شو. د دغه هوايي ډګر د پرواز لیکې په لویولو او پراختیا سره، د ۲۰۱۴ ز کال له اګست میاشتې نه په منظم ډول مستقیمې الوتنې ډیلي، دوبۍ، مشهد او د افغانستان ګڼو هوايي ډګرونو ته کېدلې. لږ تر لږه پنځوهوايي شرکتونو ترې کابل ته مستقیمې الوتنې لرلې.

د AH76 لویه لار، هرات له میمنې ښار او شمال سره نښلوي. د AH77 لویه لار بیا هرات ښار له ختیځ چغچران او له شمالي لوري نه د ترکمنستان له مری سره نښلوي. لومړۍ نمبر لویه لار (Highway 1) (چې د آسیايي لویې لارې AH1 برخه ده) له شمال لویدیځ لوري د ایران له مشهد سره نښلي او له سویل لوري نه د کندهار- هرات لویې لارې نه دلارام ته رسېږي.^{[۱۹][۲۰][۲۱][۲۲][۲۳]}

د هرات سیمه د ۵۵۰ کال عیسوي سنی مخکې تر ۳۳۰ کال پورې د هخامنسیانو د حکمرانانو په لاس کې وه. د هخامنشیانو حکمران کوروش ۲ هرات ته د هرایوا نوم ورکړ. د هرایوا ولایت د هري ( په لرغونې پارسي کې هریا ) د سیند په اساسی نومول شوی دی چې په لرغونې پارسي کې طلایی اوبو یا زرینو اوبو معني لري. په ۳۳۰ کال عیسوي سنی مخکې کې ستر سکندر د هخامنشیانو وروستی حکمران ته ماته ورکړه او د هرات په سیمې کې یی نوي ښار جوړ کړ چې د آرتاکوآنا (Artacoana- Ἀρτακόανα) په نوم یادېده. د اسکندر تر وفات وروسته د سېلوکوس نیکاتور نوي حکمران شو. په ۳۰۵ کال عیسوي سنی مخکې کې سېلوکوس نیکاتور پر پنجاب برید وکړ مگر پوځ یی ماته وخوړله او هرات د هندوستانی راجا (پاچا) چندر گپت لاس ته ورغۍ. په ۱۶۷ کال عیسوي سنی مخکې هرات اشکانیانو حکمرانانو لاس ته ورغۍ. د ۲۲۶ کال څخه تر ۶۵۲ هرات د ساسانیانو حکمرانان په لاس کې وو. د ساسانیانو حکمرانان هرات ته د هارېو نوم ودکړل. په ۷ پېړۍ کې عربي پوځ افغانستان ته ورسېده او اسلام یی پراخه کړه.

د ۶۵۰ کال څخه تر ۱۲۲۱ کال پورې هرات د لوي خراسان د حکمرانانو په لاس کې وو. په ۱۲۲۱ کال کې د چنگز خان پوځ افغانستان ته ورسېده او هرات د چنگېز خان په امر خراب شو. په ۱۳۸۰ کال کې هرات د تیمور لنگ لاس ته ورغۍ او هرات د کرتیان کورنۍ مرکز شو. په ۱۵۰۷ کال کې هرات د ازبکانو لخوا ونیول شو. په دې وخت کې صفوي امپراطور شاه اسماعیل پر ازبکانو برید وکړ او په ۱۵۱۰ کال کې هرات د صفوی پوځ لخوا ونیول شو. د ۱۷۲۵ کال څخه تر ۱۷۳۶ کال پورې هرات د هوتکی کورنۍ په لاس کې وو. په ۱۷۴۷ کال کې احمد شاه بابا هرات لاس ته راوړ.

په ۶۰ کلونو کې په هرات کې د امریکایی انجنیرانو لخوا هوایی ډگر جوړ شو. دغه هوایی ډگر د ۱۹۷۹ کال ځخه تر ۱۹۸۹ کال پورې د شوروي پوځ په لاس کې وو. تر جگړې وروسته اسماعیل خان د هرات والي شو. په ۱۹۹۵ کال کې طالبان هرات ته ورسېدل. په ۲۰۰۱ کال کې د هرات جگړه پېل شوه او هرات د امریکایی پوځ، د شمال د اتحادیی او د ایران د سپاه پاسداران انقلاب په گډ عملیات سره د طالبانو ځخه آزاد کړل شو.

• د افغانستان ولسوالۍ
• د افغانستان ولايتونه

ښ خ س د افغانستان دولس لوی ښارونه د وگړو شمېر له مخې کابل کندهار هرات مزار شريف جلال اباد کندز غزني لښکرگاه پل خمري خوست میمنه فراه سرچينې تانبه هرات

1. ↑   {{cite web}}: Empty citation (help)
2. ↑ http://www.karadahproject.com/blog/karadah-project-and-sister-cities-a-winning-combination
3. ↑ پیوستون : 1140026  — منښتلیک: Creative Commons Attribution 3.0 Unported
4. ↑ Herat - Definition and More from the Free Merriam-Webster Dictionary Archived 2013-10-06 at the Wayback Machine.. Merriam-webster.com (2012-08-31). Retrieved on 2013-07-12.
5. ↑ https://www.rferl.org/a/1101533.html
6. ↑ https://www.jstage.jst.go.jp/article/aija/82/735/82_1367/_pdf
7. ↑ https://www.nytimes.com/2017/08/05/world/asia/iran-afghanistan-taliban.html
8. ↑ Ḥamd-Allāh Mustawfī of Qazwīn (1340). "The Geographical Part of the NUZHAT-AL-QULŪB". Translated by Guy Le Strange. Packard Humanities Institute. خوندي شوی له the original on 2013-07-26. بياځلي په 2011-08-19.
9. ↑ "The Art of the Timurid Period (ca. 1370–1507)". خوندي شوی له the original on 25 November 2016. بياځلي په 7 November 2016.
10. ↑ Periods of World History: A Latin American Perspective - Page 129
11. ↑ The Empire of the Steppes: A History of Central Asia - Page 465
12. ↑ Singh, Ganda (1959). Ahmad Shah Durrani, father of modern Afghanistan Archived 2016-05-15 at the Wayback Machine.. Asia Publishing House, Bombay. (PDF version 66 MB Archived February 7, 2013, at the Wayback Machine.)
13. ↑ Noelle-Karimi, Christine (2014). The Pearl in Its Midst: Herat and the Mapping of Khurasan (15th-19th Centuries) (in انګليسي). Austrian Academy of Sciences Press. ISBN 978-3-7001-7202-4.
14. ↑ "Bomb blast hits west Afghan city". BBC News. August 3, 2009. خوندي شوی له اصلي څخه په September 30, 2009. بياځلي په March 26, 2010.
15. ↑ Hughes, Roland (4 August 2016). "Do tourists really go to Afghanistan?". BBC News. خوندي شوی له اصلي څخه په 1 May 2018. بياځلي په 21 July 2018.
16. ↑ "Herat City to Be Listed as UNESCO World Heritage Site". TOLOnews (in انګليسي). بياځلي په 2021-07-04.
17. ↑ "Taliban take Herat, Afghanistan's third-largest city, as they push towards Kabul".
18. ↑ Alka Sadat Archived 2016-06-25 at the Wayback Machine., womensvoicesnow.org, Retrieved 7 June 2016
19. ↑ Khaf-Herat railway, http://www.raillynews.com/2013/khaf-herat-railway/ Archived 2017-12-20 at the Wayback Machine.
20. ↑ afghanistan railways, 2014, http://www.andrewgrantham.co.uk/afghanistan/railways/iran-to-herat/ Archived 2014-10-29 at the Wayback Machine.
21. ↑ "Iran to Herat railway – Railways of Afghanistan". www.andrewgrantham.co.uk. خوندي شوی له the original on 2014-10-29. بياځلي په 2014-06-07.
22. ↑ Opening up Afghan trade route to Iran Archived 2016-01-01 at the Wayback Machine. Railway Gazette International 2008-01-29
23. ↑ "Rail Linkup With Afghanistan by March 2018". 25 February 2017. خوندي شوی له اصلي څخه په 22 September 2018. بياځلي په 1 January 2018.